Offside › Набрзинка

Пронајдено телото на пливачката по напад од ајкула

30 December 2025

Телото на Ерика Фокс (55) без знаци на живот било пронајдено близу брегот на Калифорнија шест дена откако таа исчезнала во водите.
Ерика Фокс последен пат била видена на 21-ви декември во заливот на Монтереј каде со нејзиниот сопруг Жан-Франсоа Ванреусел и други 13 пливачи од локалниот пливачки клуб Келп Краулерс пливале заедно.
Двајца сведоци по исчезнувањето на Ерика Фокс кои биле во нејзина непосредна близина во моментот на исчезнување рекле дека виделе како големо животно излегува од вода со нешто што изгледало како предмет во забите, многу блиску до групата пливачи.
Брзо се активирала операција за пронаоѓање и спасување а биле вклучени чамци, дронови, нуркачи и хеликоптери. Операцијата била прекината на 22 декември после 15 часови интензивно но безуспешно трагање.
Неколку дена подоцна, тело во црно одело за нуркање било пронајдено во областа Давенпорт во округот Санта Круз, на околу 48 километри каде Фокс последен пат била видена. Татко и потврдил дека тоа е таа, а се уште имала таканаречен уред Шаркбанц на зглобот (уред кој испушта разни фреквенции за да ги плаши ајкулите). Во Калифорнија досега се забележани околу 230 напади од ајкули уште од 1950-та година, имало 16 жртви пред нападот над Ерика Фокс, соопштува Канцеларијата за риба и див свет во Калифорнија, а пренесува НБС. Канцеларијата додава и дека најмалку 200 од 230 напади биле од страшните бели ајкули.

извор

Колкава е посетеноста на стадионите во македонската лига?

30 December 2025

Анализа на Инстаграм страницата „Стадиони и арени“ го покажува слабиот интерес за гледање фудбал во првенствата во поранешна Југославија.
Најпосетените стадиони во првиот дел од сезоната се во Хрватска со 50% исполнетост или во просек со речиси 6.000 гледачи по натпревар.
Македонската првата лига е погледната само од црногорската. Сезонава во нашата прва лига, на стадион во просек има по „дури“ 722 гледачи по натпревар.

извор

Боксерскиот шампион Антони Џошуа преживеал тежок судар во Нигерија со двајца загинати

29 December 2025

Некогашниот олимписки првак во бокс од 2012, Британецот Антони Џошуа кој пред само неколку дена боксуваше против Американецот Џејк Пол и го победи, денес доживеал тешка сообраќајна незгода во Нигерија.
На автопат неговото возило се судрило при голема брзина со товарен кампион. Во несреќата две лица загинале. Антони Џошуа излегол со повреди и набрзо го префрлиле во најблиската болница.
Судирот се случил на дел од автопатот Лагос-Ибадан во 11 часот по локално време. Џошуа се возел во голем џип Лексус. Тој бил меѓу четири други лица во возилото а неговото обезбедување било во друго возило.
Џошуа (36) има потекло од градот Сагаму од каде потекнуваат неговите родители. Овој град е во државата Огун во југо-западна Нигерија. Тој како мал дури и одел во школо во местото Икене пред да се врати во Британија кога наполнил 12 години.

извор