Вечерва сите сме Македонци!

„Вечерва сите сме Банда Ентопика, вечерва сите сме Макеонци“ е реакција на еден Грк од Атина на безумниот потег на градоначалникот на Лерин (денес Флорина) да забрани група да пее македонски (љубовни) песни на македонски јазик. Ела ќерко да ти кажам и Софка. Лудаците кои го бранат градоначалникот Јанакис Василеос ја мешаат Ела ќерко со Елено ќерко за која пак тврдат дека после Илинден 1903-та била користена против грчкото население. Кои лудаци.

Скандалот се случил за време на коледарските празници во Грција, поточно на настан во Лерин кога градоначалникот сакал да ги забрани Банда Ентопика да пејат македонски песни на македонски јазик.

* целиот Фб пост на Ентопика овде

Еве го текстот на „спорната“ песна:

Ела ќерко да ти кажам

Ела ќерко да ти кажам што си видов јас во сонот,
кога сум си била ќерко, малечко девојче.
Си играме, се смееме, и во очи се колнеме
за лубовта си мислиме, во буфчанска чешма.
Си играме, се смееме, и во очи се колнеме
за лубовта си мислиме, во Кипроја чешма.

Кога станав од постела и си видов кај сум била,
тешка дума ме попрати за клетата туѓина.
Дали боже дал' се може во селото да си идам
со другарки да се видам, во белата црква.

Забелешка: Кипроја е чешма која се наоѓа во центарот на селото Буф (грчки: Акрíтас, Акритас, во превод "граничар", до 1955 Мпоúпхи, Буфи, село во Егејска Македонија).

Младиот грчки интелектуалец и филозоф со интерес за етнографија, Димитрис Диму, како реакција на скандалот напиша:

Градоначалникот на Лерин илегално прекинува концерт на кој се свиреа локални македонски песни во Лерин...

Ние сме во 2026 година и наводно сме членка на Европската Унија.

Во Грција слободата на изразување е заштитена со Уставот (член 14).

Тој не може законски да запре музика само затоа што е Македонска.

Што велат Европската Унија и Советот на Европа?

Грција е обврзана со:
Европска конвенција за правата на човекот (ESDA)
Член 10: Слобода на изразување
Член 11: Слобода на собирање

Европскиот суд за човекови права постојано пресудува дека употребата на малцински или непризнаени јазици е заштитена.

Властите не можат да забранат културни настани само поради јазик или идентитет.

Еве како будалетини ја бранат забраната на песна. Да повториме, погрешна песна:

Оваа песна првично беше обична традиционална песна што се поврзуваше со Илинден и Свети Илија. Но, по 1903 година работите се променија. Илинден беше поврзан со востанието организирано од бугарските комити во отоманска Македонија. Тие се свртеа не само против Османлиите, туку и против грчкото население од областа, вклучувајќи ги и Грците кои зборуваат словенски. Се случи крвопролевање.

Оттогаш, оваа конкретна песна беше исполнета со друго значење и беше користена како симбол на ова востание. Во Лерин, она што бендот сакаше да го направи не беше невино..... бидејќи не зборуваме за неутрално место, туку за област со многу тешка историја и сеќавања. И не зборуваме за приватен момент, туку за јавен концерт, со институционален контекст.

За среќа, градоначалникот на Лерин го знаеше тоа многу добро!

Христос Петропулеас (во коментари - овде)