Offside › Набрзинка

Македонија на најдалечното гостување во историјата – можеме ли до три бода?

9 June 2025

По сјајното реми против големиот фаворит Белгија (1:1) во натпревар во кој можеби Македонија го заслужи и целиот плен со оглед на шансите и стативите, денес црвено-жолтите гостуваат во Астана против Казахстан.
Во рамки од квалификациите за Светско првенство 2026 Македонија без помошта од селекторот Благоја Милевски кој доби жолт картон и заработи парни картони во финишот од мечот со Белгија па денес од трибини ќе го следи дуелот, ќе се обиде да ги освои трите бода против неатрактивниот а мошне незгоден противник.
Наптреварот е од 16:00 часот по наше време. Казахстан во два одиграни меча има 3 бода. Изгуби од Велс на гости (3:1) и славеше против Лихтенштајн на гости (0:2).
Македонија и Казахстан досега имаат само еден меѓусебен натпревар и тоа пријателски во Скопје во 2021 година. Со головите на Езѓан Алиоски, Иван Тричковски, Милан Ристовски и Дарко Чурлинов нашата селекција убедлив славеше со 4-0.

извор

Реал Мадрид го претстави младиот талентиран стопер

10 June 2025

Откако Барселона им ги зема трофеите во Ла Лига и во шпанскиот Кралски Куп, а во Лига на шампиони испаднаа од Арсенал, „кралевите“ сега сакаат да влезат освежени и засилени во новата сезона.
По Трент Александер-Арнолд и Фримпонг, одбраната ќе им биде уште посилна и за младиот шпанско-холандски стопер Дин Хујсен (20). Тој доаѓа од Борнмут за сума од 60 милиони евра. Игра стопер а претходно беше член на Јувентус и Рома.
Хујсен во Борнмут го носеше дресот со број 2, а во шпанската репрезентација за која неодамна дебитираше игра со број 12 или 14. Во Реал Мадрид го добил бројот 24 кој до минатата зима го носеше Арда Ѓулер кој го смени со број 15.
Бројот 24 во Реал го носеа Дани Себаљос, Арда Ѓулер, Мариано, Иљараменди, Начо, Кедира, Гранеро, Ласана Диара, Алваро Бенито и Аитор Каранка.

извор

Владата и Министерството за спорт ќе доделат национални признанија на најголемите спортски легенди

10 June 2025

Министерството за спорт и Владата на Република Македонија ќе одржат свечена церемонија на која ќе бидат доделени Национални признанија на најуспешните македонски спортисти.
Церемонијата ќе се одржи на 11 јуни со почеток во 12:00 часот, а таму ќе присуствуваат министерот Борко Ристовски и премиерот Христијан Мицкоски.
Сите поканети ќе добијат Признание за врвни достигнувања во спортот, а меѓу нив се Горан Пандев, Дарко Панчев, Илија Најдоски, Петар Наумоски, Перо Антиќ, Кирил Лазаров, Стојанче Стоилов, Владо Недановски, Петар Ангелов, Марко Кизиќ, Марко Мишевски, Гордана Нацева, Мирјана Чупиќ, Милева Велкова, Анжела Платон, Лариса Кисељова, Елена Златановска Муратовска и Клара Боева.
Сите добитници во минатото оставија огромен белег во екипните спортови, беа на високо ниво во своите клупски кариери, но воедно и ја претставуваа Македонија на најубав можен начин преку националните репрезентации, со што добија легендарен статус во нашето општество.

извор