Грција ќе ги забрза депортациите на мигранти
28 May 2025
- Грчката влада најавува построги казни за нелегалните мигранти и побрзи депортации на оние на кои ќе им биде одбиено барањето за азил.
- Грција беше на фронтот на мигрантската криза во 2015 и 2016 година, кога во Европа пристигнаа повеќе од 1 милион луѓе од Африка и од Блискиот Исток. Бројките сега се значително намалени, но миграцијата е најважното политичко прашање во земјата, во која се уште нелегално престојуваат илјадници на кои им е одбиен азил.
- Во првите четири месеци од оваа година бројот на мигранти што пристигнале во Грција е за 30% понизок во споредба со лани. Намален е бранот преку копнената граница со Турција, но шверцерите отвориле нова рута за мигранти од Либија до островите Крит и Гавдос.
- „Ќе има построги казни за оние што илегално влегуваат во земјата или ако останат подолго кога ќе им биде одбиено барањето за азил. Целта на законот е да ги забрза депортациите, преку поефикасен и пофер механизам“, најави премиерот Кирјакос Мицотакис.
