Вести › Набрзинка

Маск се збогува со Белата куќа

29 мај 2025

Илон Маск објави дека ја напушта улогата главен советник на претседателот Доналд Трамп за кратење на федералните трошоци и бирократијата.
„На крајот од моето предвидено време како специјален владин службеник, би сакал да му се заблагодарам на претседателот Доналд Трамп за можноста да ги намалам непотребните трошоци. Мисијата ДОГЕ со време ќе зајакне и ќе стане вообичаена во владата“, порача Маск на Икс.
Улогата на Маск како шеф на Канцеларијата за владина ефикасност уште од почетокот беше дефинирана како привремена. Тој пред еден месец најави дека ќе ја напушти за да се посвети повеќе на своите бизниси.
Резултатите се дискутабилни. На почетокот тој најави дека со кратење непотребни трошоци и бирократија ќе заштеди 2.000 милијарди долари, но поради отпорот со кој се соочи ги спушти целите на 1.000 милијарди, па на 150 милијарди.
Еден ден пред да го објави заминувањето, Маск го критикуваше „големиот убав закон“ на Доналд Трамп за буџетот, кој предвидува огромно зголемување на дефицитот: „Мислам дека закон може да биде голем или да биде убав. Не знам дали може да биде и двете“.

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор