- Администрацијата на Доналд Трамп му забрани на Харвард да прима студенти од странство во идната учебна година. Странците што сега студираат таму ги предупреди да се префрлат на други Универзитети за да не им биде укинат легалниот статус.
- Министерката за домашна безбедност Кристи Ноем го обвини Харвард дека „поттикнува насилство и антисемитизам и се координира со Кинеската комунистичка партија“.
- Забраната е воведена откако Харвард одби да му ги даде на Министерството бараните информации за некои странски студенти. Ноем истакна дека забраната ќе биде поништена ако Харвард во рок од 72 часа ги предаде досиејата за странските студенти, вклучувајќи и видео или аудио снимки од учество на протести во изминатите пет години.
- „Оваа одмаздничка акција е сериозна закана за заедницата на Харвард и за нашата земја и ја поткопува нашата академска и истражувачка мисија“, соопшти Универзитетот.
- Во тековната година на Харвард студирале речиси 6.800 студенти од странство, што е 27% од вкупниот број. Најмногу ги има од Кина, Канада, Индија, Јужна Кореја, Британија и Германија.
- Јапонското вселенско летало Resilience на Ајспејс се урна на Месечината и ја изгуби контролата со контролната мисија на Земјата.
- Ова е втора неуспешна мисија на приватна компанија за спуштање летало на Месечината. Ајспејс дека ќе ги анализира грешките и ќе направи трет обид во 2027 година.
- Resilience требаше да се спушти во регионот на Mare Frigoris (Морето на студот) на страната што е видлива од Земјата. Телеметриските податоци се прекинале 105 секунди пред планираното спуштање. Тоа се толкува дека системите погрешно го процениле растојанието до површината и слетувањето било со преголема брзина.
- Многу приватни компании настојуваат да спуштат свои летала на Месечината. Во 2019 година пропадна обидот на израелскиот лендер Beresheet. Во 2024 година американската мисија Astrobotic беше прекината веднаш по лансирањето. На Месечината се спушти леталото Odysseus на приватна компанија од Хјустон, но се преврте по една недела. Слично завршија и леталата Athena и Blue Ghost.
- Двајца кинески државјани се приведени во САД поради шверц на токсична габа, која е опишана како потенцијално „агротерористичко оружје“ за уништување прехранбени култури.
- Јунчинг Џијан, вработена како истражувач на Универзитетот во Мичиген и нејзиното момче Ѕунјонг Лиу, вработен на универзитет во Кина, со себе донеле во САД примероци од Fusarium graminearum, габа што скаменува зрна на пченка, пченица и други жита.
- Лиу во Џеџијанг работел на проучување биолошки патогени со потенцијал да заразат земјоделски култури. Сакал да ги испита габите во лабораториите на кои работи неговата девојка.
- Лиу бил итно депортиран во Кина, а Џијан е уапсена. Истрагата утврдила дека таа добивала финансии од Комунистичката партија на Кина за истражување патогени, изјави директорот на ФБИ, Каш Пател.
- Државниот секретар Марко Рубио пред една недела најави дека САД „агресивно“ ќе ги поништуваат визите на кинеските студенти, особено на оние кои одржуваат врски со Комунистичката партија и кои работат на „критични полиња“.
