САД бараат Србија да прифати депортирани мигранти
5 јуни 2025
- Администрацијата на претседателот Доналд Трамп врши притисок врз Србија и други балкански земји да примат мигранти депортирани од САД, пишува Блумберг, повикувајќи се на свои извори.
- Регионалните бироа на Стејт департментот добиле задача да ја претстават таа идеја. Нема информации дали некои разговори завршиле со договор.
- Врховниот суд во мај дозволи да им биде укинат легалниот статус за престој во САД на половина милион мигранти од Куба, Хаити, Никарагва и Венецуела. Администрацијата бара каде да ги депортира. Како можни дестинации Wall Street Journal во април ги спомна Молдавија и Косово.
- Србија наводно е во комбинација поради инвестицијата за изградба на „Кулата Трамп“ во Белград. Доналд Трамп Џуниор во април во Белград се сретна со претседателот Александар Вучиќ.
- Во мај Вучиќ требаше да се сретне со Трамп сениор на Флорида, но се разболе и итно се врати во Србија. Неколку дена подоцна тој присуствуваше на парадата во Москва на Денот на победата.
