Лани пишавме: „Градска болница во Скопје, центар, најцентар на главниот град, на 50 метри од законодавниот дом во државата. Пред едно десетина години, заради електрична инсталација таму се запали информаторот за градската болница. Една деценија подоцна, на истото тоа место уште стои опожарената и веќе добро оксидирана железна шклопоција“. (види: „Дека ни се брза“)

Во Скопје треба да пукне цевка за луѓето да видат и (евентуално) се освестат дека цевките им се од оној ужасен и опасен азбест. 

Ако она искуство на странски туристи во ресторан во Пештани беше непријатно за замислување, чекајте да го видите овој хорор: група шпански туристи му викаат на газда на ресторан во Албанија дека храната не му е добра и дека не мислат да платат за она што не го нарачал. Следната сцена е, тие избезумено возат барајќи полиција додека закачен на хауба им е оној газда претворен во зомби.  И со сè покрвави раце им ја дере шофершајбната...