Ако Хилари и нејзините беа убедени дека изгубија од Трамп заради велешките интернетџии (а не затоа што се бавеа у кое веце ќе мочаат транџите додека луѓе пиштат под кредити и долгови) па следуваше бран од милиони долари вредни грантови, обуки и тренинзи против лажни вести, замислете го следниот бран грантови, обуки и тренинзи против баби кои пеат песни со кои „се мешаат во странски избори“ и „го доведуваат во заблуда електоратот.“ Мислите не?

Дечкото две години е овде кај нас, јасно е дека ја сака и земјата и луѓето но има една забелешка која му е на место: Македонците се многу пољубезни кон странци отколку меѓу себе. Факат. Би можеле да мозгаме зошто е тоа така но и не мора. Доволно е да се научи лекцијата: третирајте се барем како странци, многу пољубезна атмосфера ќе се направи. Сообраќајот башка. Што е таа нервоза, што е тоа брзање, милионите ли ќе ви пропаднат?  

Линеарното зголемување на пензиите ќе ни натовари нови 4 милијарди евра долг во следните 10 години. Тоа е цената што ќе ја плаќаат идните генерации за остварување на предизборното ветување и доаѓањето на власт. Наместо да плачат што ги заглавиле своите наследници, уште и се радуваат.

Имаше професори кои не се заложија да примат асистент. Тоа се правеше од практични причини. Ако професорот нема асистент, работата што требаше да ја врши асистентот, или дел од неговата работа, ја вршеше професорот и за тоа тој беше платен. И други фактори влијаеја на состобата на Институтот за психологија: самозаљубеноста, зависта, љубомората, групирањето, подметнувањето...

Четири православни патријарси во 1530 година му пишуваат на охридскиот архиепископ дека никогаш не постоела призната српска автокефална црква, дека таква не е ниту онаа на Свети Сава од 1219 година ниту онаа на Душан Немањиќ од 1346. Пеќка патријаршија и Србија секогаш биле под Охридската архиепископија, порачува оваа сторија пренесена од Анте Пркачин.

Во статијата „Каде бе, душмани?“ го илустриравме пеколот кој македонските партизани им го имаат приредено на Германците кон крајот на Втората светска војна кога нацистите мислеле дека со ограмна војска лесно ќе ја прегазат Македонија. Додаваме уште неколку прилози за тоа како македонските борци го имаат сменето текот на војната на Балканот:

Една од најмалку познатите епизоди од Втората светска војна е голготата на германската армија низ Македонија. Таму горе кај Ѓердап, Србија, им требало засилување против Црвената армија за чување на Белград. Решиле да довлечат масовна војска од 350.000 луѓе од Грција и мислеле дека Македонија ќе ја поминат за неколку дена. Останале 4 месеци! Капа долу за македонските партизани! 

Денес низ цела Албанија сѐ уште опстојуваат повеќе од 500 македонски (словенски) топоними, што е потврда дека тие места во минатото биле населени со македонско население. Голем број од овие топоними, со иста или слична форма се среќаваат и на територијата на Македонија.

После Сараевскиот филмски фестивал каде што помина одлично, филмот „Убиј ги прво децата“ на Димитар Оровчанец доаѓа дома, во Синеплекс и на „Еден е Манаки“. Шармантен, младалачки, скопски, шизички, љубовен... филм кој прво ќе ви ја убие досадата (ако ја убиете прво мрзата и отидете да го погледнете). Урбана тема, гај ричиевски ритам, супер музика, одличен микс од професионални глумци и натуршчици, реплики за памтење. Ќе ве освежи.

И така, денеска свежо се задолживме со нови 500 милиони евра - за едно големо ништо. Ниту Владата имала време за овие два месеца да направи анализи како парите правилно да ги вложи, ниту пак имаат гаранции дека парите ќе бидат вратени од општините и стопанството. Особено од општините, знаејќи колку недомаќински работаат.

Добивме дојава пред некој ден дека Глоријан се има ставено на Јутјуб. Веднаш го зафативме местото број 2 на сабскрајбери и од што не ни се веруваше, решивме малку од страна да го следиме, дур да сфатиме дали е стварно тој, дали некој го трола или пак му го има најдено ЦД-то со 500 песни. Ама, бидејќи тоа тешко ќе го утврдиме ако не ни дојде на уште една надреална средба како некогаш во Оннет, еве официјално наше добредојде за големиот уметник и маг.

Овде уште постојат кругови спремни да се објаснуваат како Тито нè заебал што не сме тргнале на Солун туку на Сремски фронт (ха! тоа го зборуваат генерации кои дозволија да им го сменат името на државата и да им ги избришат одлуките на АСНОМ од уставот). Нека ги. Наше е, за сите македонски партизани кои заминаа да се тепаат со Германци и усташи, да кажеме - СЛАВА ИМ.

Balkan Dad, дечкото со рецептите, балканизиранот англиски јазик и редовната одбојност кон магдонос (пошто тоа е за зајци) дошол во Македонија. Го пробал стандардното свето тројство (симит, бурек и пастрмалија), редовниот бонус (падобранци во Ригара) и неизбежното тавче гравче. Да видиме. 

Во Македонија луѓето, а особено младите, не гледаат никаква светла перспектива и масовно се иселуваат. Во Албанија пак, гледаат убава перспектива, а на работата во странство гледаат само како на можност за печалба, заради започнување нов живот во татковината. Разговарајќи со повеќемина млади Албанци од Албанија, дознав дека секој млад човек до 30-тата година има заработено за стан и кола.

Вицнау, кантон Швиц, Швајцарија.

Запрашајте се кој има интерес да ги заштити растенијата од штетници не со коноп, туку со хемикалии. Запрашајте се кој има интерес да не го прочисти воздухот со коноп. Запрашајте се кој има интерес да сече хектари шума. Запрашајте се кој има интерес коноп да не се користи во индустријата и технологијата, дури и во медицината?

Цена на кафе (1,2 евра) во прекрасното италијанско место Гарњано, на западниот брег на Лаго ди Гарда.

Еден жесток но кревок момок рика плаче зашто го оставила девојката. Пријателчето има решение, да го носи на психијатар. И покрај првичниот сомнеж, пријателчето го послушува пријателчето. Следствено, хепиенд. Ене ги, пијат сокчиња од цевче и си наздравуваат. Ко да сме 1964-та а не 2024-та. Докторе, што ти е?

Јас тој епитет, жена му на Богдан Илиевски, или ако сакате Бетмен, го носам гордо, уште долго пред официјално да му станам сопруга. Да, од времето кога му вртевте грб, им се ситевте што се во притвор, што по цели денови ги мачат во судница…од времето кога го отпишавте. Но, исто така, жена му на Бетмен е и професионалец.

„Сè минува, само тешките метали не минуваат“, вели Игор Смилев, еден од неколкутемина велешани и велешанки (и по некој скопски ентузијаст) во овој европски документарец, луѓе кои во името на оние блиски кои ги изгубиле, и на сите оние кои не сакаат да ги изгубат, пробуваат да сторат нешто за загадувањето од кое во Македонија се умира двојно повеќе од просекот на континентот. Да, загадувањето кај нас е само сезонска, зимска секирација. Затоа е и вака.  

Само што го заврши својот настап, веднаш стартуваше хајката и отстрелот на ова дете од страна на докажаните наши домашни ловџии. Никола не е како нивните деца дома. Нивните деца се први во сè, а не последни како Никола.

Таа Олимпијада што ја гледате се спрема 4 години во неа се вклучени 20.000 луѓе. Скопје се пече како под вршник зашто дрворедите се десеткувани. Во Париз врне, лие и во такви услови се свири, пее, игра, плови. Да е еден дожд на дивите метални тераси во Струга, струја луѓето ќе ги убие.

Прв Пеле во фамилијата на македонскиот фудбалер Дарко Алексовски бил неговиот дедо. Бидејќи и Дарко бил атрактивен и интересен фудбалер и тој станала Пеле, ама нејќел Пеле со него да заврши па го дал Пеле и на неговите синови. Значи, синовите на Дарко се викаат Пеле? Не, се викаат Неимар и Габриел. Ама им додал и Пеле. И не се презиваат Алексовски, туку се презиваат по дедо им Благојче. Што не е јасно?