Сакавме да пишеме да ја споредите луцидноста и досетливоста на гостите во оваа ТВ емисија од 1991 година со излижаниот шпил гости кои циркулираат на нашите телевизии, ама подобро немојте. Присутни се нашиот Циле и стариот Ѓилас но главните фајтери се новинарскиот булдожер Александар Тијаниќ и Иван Звонимир Чичак. Прво Тијаниќ доминира ама и Чичак ќе се соземе и ќе почне да враќа.  

Вистиномер повторно храбро се фатија во костец со уште едно од најгорливите прашања на нашето секојдневие: на кој јазик биле напишани Илијада и Одисеја. Не го нашле тие тоа на дебата во МАНУ, конференција на историчари или лингвисти или школски учебник. На Фејсбук (?!) нашле некоја си објава дека биле напишани на македонски па решиле да нè спасат од заблудата (која немаше ни да ја знаеме да не беа тие). 

Озлогласениот српски Информер не известува само за здравствената состојба на Ивица Дачиќ, кому му е констатирана пневмонија на двете белодробни крила (последно: на респиратор е, има знаци на стабилизација но состојба и натаму е сериозна), туку директно влегува во најделикатната област на етилогијата, за причините на некоја болест. Еве како тие тоа научно го формулираат. 

Се зарчкаа Јована Јеремиќ (чија емисија деновиве ја забранија во Црна Гора) и Бака Прасе (кому деновиве во Белград му го запалија луксузниот автомобил Брабус вреден 400.000 -500.000 евра). Обајцата важат за медиумски сојузници на Вучиќ. Бака Прасе ги коментирал изјавите на Јована за мажите кои немаат пари: „Замисли ова да ти е жена. Попрво би сакал да ми ги запалат сите коли.“

Покоeн Александар Тијаниќ беше новинар од калибар каков што одамна не се произведува на овие регионални простори. Немаше факултет завршено, ама беше Ноам Чомски (ок, не баш најсреќна споредба во Епстин ерата) за оние кои му завидуваа на дрскоста, луцидноста и јазикот - жилет. Му начекaвме едно видео како млад јунец, опишува зошто во Италија,  фудбалот е најважна но не меѓу споредните работи на светот.