Физички активни луѓе треба да консумираат од 1,2 до два грама протеини на килограм од својата телесна тежина, за да се овозможи изградба на мускули.
Протеинските чоколатца изгледаат како брзо и ефикасно решение за тоа. Наместо да вариш кокошка (кило кокошка се околу 140 грама протеини), побрзо е да се земат неколку штангли (кои имаат по 20-25 грама протеини).
Меѓутоа, биле испитани 1.641 протеински плочки и имало голема разлика меѓу нив.
Настрана оние што генерално лажат колку протеини имаат, кај 81 проценти од оние кои реално имаат високи количини (над 20 грама протеини), нивната искористивост е помала од половина, поточно имаат само 47% дигестивност.
„Ниските бројки најверојатно се должат на примена на протеини со понизок нутритивен квалитет (како што е колагенот) и на други состојки како што се јаглехидратите, мастите и влакната, што можат да ја влошат биолошката достапност на есенцијалните аминокиселини“, се наведува во студијата.
