Во врска со руската инвазија, за Дугин во прашање е многу поголема битка што Русија ќе треба да ја води, притоа опфаќајќи неколку теории на заговор кои му дошле при рака:
Ова не е војна со Украина. Ова е конфронтација со глобализмот како интегрален планетарен феномен. Ова е конфронтација на сите нивоа - геополитички и идеолошки. Русија одбива сè во врска со глобализмот - еднополарноста, атлантизмот, од една страна, и либерализмот, анти-традиционалноста, технократијата, и Големиот ресет на светот, од друга. Јасно е дека сите европски лидери се дел од атлантистичката либерална елита.
И ние сме во војна токму со тоа. Оттука и нивната реакција. Русија сега е исклучена од глобалистичките мрежи. Таа повеќе нема избор: или ќе создаде сопствен свет или ќе исчезне. Русија постави правец на изградба на својот свет, својата цивилизација. И сега е преземен првиот чекор. Меѓутоа соочен со глобализмот суверен можеш да бидеш само на огромно пространство, континент-држава, цивилизација-држава. Ниту една држава не може на долг рок да издржи дисконектираност.
Русија сега создава поле на глобален отпор. Нејзината победа ќе биде победа на алтернативните сили, и десничарски и левичарски, и за сите луѓе. Ние, како и секогаш, ги започнуваме најтешките и најопасните процеси.
Меѓутоа кога ќе победиме, сите ги користат нив. Така требало да биде. Ние сега креираме предуслови за вистинска мулти-поларност. А оние кои сега се подготвени да нè убијат ќе бидат први што утре ќе ги искористат нашите победи. Речиси секогаш пишувам работи што подоцна се случуваат. И ова исто ќе се остари.
