PALMA MALL - ПОГОЛЕМ ИЗБОР ЗА ПОТРОШУВАЧИТЕ И ПОГОЛЕМИ МОЖНОСТИ ЗА ТЕТОВСКИОТ РЕГИОН

Најголемиот трговски центар во Западна Македонија, Palma Mall, кој се наоѓа пред самиот влез на Тетово, наскоро ќе стане уште поголем.
Со отворањето на Palma Mall граѓаните добија поквалитетен живот и голема промена во нивното секојдневие. Добија место каде што можат да се прошетаат, да се рекреираат, да одат на шопинг и едноставно да ги искористат деновите квалитетно.

Palma Mall започна како мал бизнис-центар, а со напорна работа и труд во 2014 година прерасна во најголем трговски центар во Западна Македонија. Распространет на 32.000 м2, тој е втор по големина трговски центар во Македонија. Граден по светски стандарди, овој урбан и модерен објект располага со огромен број светски познати брендови, како и голем број домашни компании, со што купувачите имаат избор од различни продукти за секој сегмент од секојдневието. Palma Mall има над петстотини вработени кои се во редовен работен однос, а целта е во иднина бројот да биде многу поголем. Со текот на годините, сѐ повеќе се зголемува популарноста на трговскиот центар, а воедно и заинтересираноста на потрошувачите.
Palma Mall во моментов повторно се проширува поради големиот интерес од странски фирми и компании, меѓу кои големи и средни корпорациски фирми. Palma Mall веќе има склучено преддоговори со неколку големи странски популарни брендови. Некои од нив за првпат ќе бидат отворени токму во Palma Mall, а наскоро ќе бидат и јавно објавени.
Инвестициите повторно се прават преку добро позиционирани македонски компании специјализирани во областа на градежништвото.

Трговскиот центар се шири брзо и интензивно. Сите што сакаат да го посетат најголемиот трговски центар во Западна Македонија, наскоро ќе имаат можност да го видат поголем и поуспешен од кога било, со поголем и стандардизиран паркинг-простор, уреден парк и простор за рекреација. Од отворањето, па сѐ до денес Palma Mall се труди да ги исполни сите очекувања на клиентите и на закупците кои го одбрале овој трговски центар за своите компании. За долгогодишното постоење на трговскиот центар и неговото постојано усовршување придонесуваат и соработките со NEW WAY - агенција за управување со недвижности, Apriori Communications - агенција за маркетинг и односи со јавноста и архитектонската куќа DSC Design.
Упорноста е вистинскиот пат до успехот и сигурни сме дека оваа успешна приказна нема да застане тука и ќе се стреми кон поголемо зголемување на просторот, работата, интересот и задоволството на купувачите.

(комерцијален текст)

 

2 февруари 2018 - 15:17