За време на Techcrunch Disrupt конференцијата во Сан Франциско, главната директорка на Јаху била запрашана зошто компаниите едноставно не се одлучиле да и кажат на јавноста повеќе околу активностите на владините агенции. На ова Мејер одговорила: "Објавувањето на тајни информации е предавство и заради ова завршуваш во затвор."
Јаху претходно неуспешно ја тужеше FISA (Foreign intelligence surveillance court) која ја дава правната основа за активностите на НСА.
"Кога ќе изгубиш и нема да соработуваш, тоа е предавство. Ние мислиме дека има повеќе смисла да работиш во рамките на системот," објаснила Мајер.
Јаху и Фејсбук (а претходно и Микрософт и Гугл) се борат за правото да им биде дозволено да го објават бројот на барања што го добиваат од шпионските агенции за предавање на приватни податоци. На компаниите им е со закон забрането да објавуваат колку податоци и предаваат на Владата.
Закерберг изјавил дека владата лошо ја завршила работата со балансирање на приватноста на луѓето и задачата да ја обезбедува националната безбедност, а подеднакво лошо се снашла и по обзнанувањето на скандалот од страна на Сноуден.
"Одговорот на владата беше, 'Ах, немајте гајле ние не шпионираме Американци.' Ах, одлично, ова навистина помага кога опслужуваш луѓе од цел свет и ова навистина ќе инспирира доверба во американските интернет компании," изјавил основачот на Фејсбук.
