Свиркачка од Фејсбук на одбор на Европскиот парламент му порача дека Фејсбук го руши интегритетот на демократијата овозможувајќи и фаворизирајќи поларизација меѓу луѓето.
„Со своето однесување, Фејсбук може да ја ослаби нашата демократија,“ рекла Францес Хауген пред одборот за внатрешен пазар и заштита на потрошувачите на Европскиот парламент.
Таа ја напушти компанијата во јуни, праќајќи десетици илјади интерни документи од кои станува јасно дека Фејсбук овозможува ширење на омраза и дека неговите алгоритми придонесуваат кон видливост на таквите содржини.
„Колку повеќе негативни коментари, толку повеќе лајкови и други реакции, а тоа само значи повеќе пари за мрежата“, ја објаснува Хауген логиката на Фејсбук.
Постојат начини како Фејсбук и Инстаграм да станат побезбедни места за луѓето но меѓу безбедноста и парите, компанијата секогаш ќе го одбере второто, смета таа.
Хауген е сомничава кон полезноста од вештачка интелигенција во модерирање на содржината бидејќи таа не може соодветно да ги регистрира и препознае сите нијанси на човечкиот говор.
