Некои глумци се препознатливи по тоа како се смеат, други по тоа како го изразуваат гневот, а трети се толку софистицирани, што дури и специфично - молчат.

Во Белград, во галеријата „Супермаркет“, во тек е изложба на плакати „17 песни" на графичкиот дизајнер Марко Свирчевиќ, кои визуелно ги претставуваат хитовите на Дисциплина кичме, ЕКВ, Електрични оргазам..

Ова едноставно моравме да го споделиме - Кејн има 9 години, и од картонските кутии кои се мотаат околу продавницата за стари авто-делови на татко му има направено нешто како играчница.

Ако со нешто ни прави ќеф овој Ник Кејв, освен со неговата музика, тоа се писмата кои од време на време им ги праќа на институциите од музичкиот бизнис, корпорациите и оние кои од него бараат да се претвори во подвижен билборд за нивните производи. 

Снуп Дог има нова книга. Не , не се мемоари, ниту некој епски роман. Да речеме дека станува збор за малку поинаква песнарка.

На денешен ден, 8. април 1971. во Лондон е одржан првиот Меѓународен конгрес на Ромите. На него е усвоена Декларацијата за правата на Ромите, а песната „Џелем џелем" е прогласена за нивна химна. Еве неколку верзии од неа.

Рок-иконата Пети Смит својот нов албум „Банга", кој ќе излезе на 5. јуни, го нарече по кучето на Понтиј Пилат од култниот роман на Булгаков, „Мајсторот и Маргарита".

Новиот албум на Џонс се вика "Spirit in the Room" (Дух во собата), и треба да се појави на 21. мај

Кои би биле трите песни кои би сакале да ги чуете за последно, ако ви кажат дека набргу ќе го загубите слухот?

Едно време мислевме да ве зезнеме со некој книжевен пранк - пример дека уште необјавена, автобиографијата на Боки 13 е веќе номинирана за следниот Букер. Или дека во Македонија се снима верзија на „Господарот на прстените" со Сашко Коцев во улогата на Гандалф. Наместо тоа, трибјут на еден од најголемите југословенски комичари, роден на сосема соодветен датум.

На 30. март во рамки на 59. издание на фестивалот на краткометражен филм во Белград ќе биде прикажан документарецот за прерано згаснатата ѕвезда на југословенската кинематографија, секс симболот, урбаната икона на една генерација и борецот против естаблишментот - Соња Савиќ.

Франзен пред неколку дена беше во Хрватска, промовирајќи ги хрватските преводи на неговите книги. Нормално, Станковиќ не пропушти да го донесе во Дневникот. 

Ако и вам ви е понекогаш преку појачало вештачкото одржување во живот на идејата за екс-ју рок, и на кариерата на некои од неговите претставници како Бора Џорџевиќ или Бјело дугме, тогаш песнава ќе ви се свиѓа. Нашата замерка се однесува само на некои од спомнатите имиња, да не ги стегнат стварно изречените клетви.

Снимателот и режисер Тим Сеслер едно неделно попладне со камера шета низ њујоршкото метро, и забележува разни звуци, ликови и слики. Краткиот филм кој е притоа снимен делува како прошетка низ нечиј сон.

Посветеноста на TED на „идеите вредни за споделување", кои покриваат теми од невробиологија до кулинарство, сега добива свое продолжение - TED-Ed, проект наречен „Лекции вредни за споделување".

Можеби затоа што е Британец, па емотивната воздржаност некако му прилега, или пак е заради неговите камео улоги, во кои најчесто сме го гледале со камен израз на лицето како минува низ кадарот, ама Хичкок никогаш не сум го замислувала како некој кој е чувствителен и кој размислува за среќата. 

Дали физичарите можат да кажат нешто за јазикот, подеднакво релевантно како тоа да го кажале лингвисти? Минатата недела беше објавена статија во која група физичари тврди дека идентификувала универзални закони поврзани со создавањето, животниот век и исчезнувањето на зборовите.

„Не знам зошто те сакам, онака како што те сакам", испеано со нешто помеѓу кисело смеење и болка од забиен нож во грб. По една минута и 37 секунди завршува. Страна прва, песна прва - „You're no Good", од првиот албум на Боб Дилан, еден од најзначајните американски музичари и поети на 20. век. Албумот - насловен едноставно „Боб Дилан" е издаден пред половина век (19. март 1962), кога тој имал 20 години и само што пристигнал од Минесота на Менхетен, со товарен воз.

Музичкиот фестивал South by Southwest, кој се одржа од 9-18. март во Остин, е меѓу најголемите музички манифестации во САД. Еден од клучните настани беше говорот на Спрингстин, кој е веќе прогласен антологиски во овој жанр.

И по 129 години од неговата смрт (14. март 1883), предупредувањата на германскиот филозоф во врска со последиците на капитализмот и индустријализацијата се поактуелни од кога и да е. „Капиталот е мртво битие, вампир, тој живее само со тоа што го цица живиот труд" е еден од ставовите на овој мислител, кој самиот изјавил дека не е - марксист.

Хрватската писателка и блогерка Ведрана Рудан, позната како жена со депилиран јазик, понекогаш знае и да ги премине границите на добриот вкус. Вчера таа беше главна ѕвезда на емисијата „Пулс на Хрватска", а во неа без очигледен повод таа му се пушти на водителот ко пит бул на мачки.

Slacktivism, или „мрзоактивизам", е термин кој го опишува лажниот онлајн активизам, кој има нула политичко или општествено влијание. Дамир Авдиќ, познат и како Граха, Diplomatz или Босански психо, еден од најжестоките поети-музичари на современата босанска сцена, има посветено песна токму на овој феномен.

Желимир Бабогредац, претседателот на управата на Кроација Рекордс, во своето интервју за Јутарњи лист остро реагира на најавата дека Џони ќе ја тужи оваа дискографска куќа и ќе бара отштета од 25 милиони евра, сума до која дошол преку следниов есап: ако денес една плоча чини 25 евра, а тој продал милион во бивша Југославија, тоа се 25 милиона.

Пред да помислите дека е ова уште едно од оние квази-научни видеа, со снимки од магнетна резонанца кои прикажуваат флуоресцентни мозоци, дозволете да ви објасниме. Нема да зажалите.