Кога ќе чуете „флешмоб" веројатно прво помислувате на група тинејџери кои играат на „Трилер" среде трговски центар, или на некаков камерен оркестар кој свири класично дело среде метро. Ама 200 души кои изведуваат дело од Филип Глас, специјално создадено за оваа прилика?

Во клипче од три минути снимено во еден кадар, преку „Прекрасен свет" на Луј Армстронг, ги следиме повеќето фази низ кои има поминато музиката, од грегоријанското пеење (10 век), до дабстепот (21 век). Како тргнало, песнава за некоја година нема веќе да се препознава.

Кога денот ќе ви тргне со омекнато срце, целиот интернет кова завера тоа така и да продолжи. 

Дилан ја снимил „Засекогаш млад" во 1974, за албумот Planet Waves. Тоа е класична „татковска" песна, инспирирана од неговиот тогаш 4-годишен син Џејкоб, кој подоцна стана фронтмен на The Wallflowers. Од тогаш голем број музичари ја имаат преработено, како Џони Кеш, Род Стујард, Притендерс и Нора Џонс.

Додека ние бевме зафатени наоѓајќи им јазични и стилски маани на нашите коментатори, во соседството се случувале епски изливи на креативност.

Уште еден контроверзен спот нарачан од Европската комисија, после оној кој беше критикуван за расизам. Овој пат една посуптилна тема - жени и наука.

Музичарот и комичар ДеСторм на неговиот Јутјуб канал ги повика фановите да му постават тешка задача. Нормално, мораше да биде нешто жанровски неочекувано. Како на пример, хип-хоп песна во која се спомнуваат наслови на книги.

Невестата на Џон Ленон има нов концептуален проект: да сними филм кој ќе ги вклучи насмевките на сите луѓе на планетата. 

Aкварел е сликарска техника која во случај на грешка не дозволува ретуширање или поправање. Особено е тешка ако со неа мислите да правите цел филм.

Кога бил издаден во 1979., „Животот на Брајан" на Монти Пајтон бил веднаш забранет во голем број земји, заради наводното богохулие. Следеле гневни протести од згрозени поединци, кои најчесто го немале ни видено филмот.

На денешниот „ден на таткото“ (17.6), кој се одбележува во повеќе земји во светот, едно постаро но антологиско видео, кое сигурно ќе ви направи кнедла во грло. 

QR Code е она матрикс баркодче, кое служи за складирање податоци - црни точки и линии распоредени во форма на квадрат на бела позадина. E, истиот мотив баба Јела од Лика го плете и везе уште од мала.

Пред некој ден добив плоча од Џони Кеш, и ми падна мака - не ја собира во лаптоп, а во шпорет не свири. Слушањето музика на интернет и не е некоја замена за грамофон, ама па супер легнува која некој ќе ви ги собере на едно место сите ретки снимки на Кеш, овој пат во дует со Дилан.

Жената која го инспирирала Хемингвеј за еден од главните ликови во „За кого бијат камбаните" почина на 91 година.

На денешен ден, 5. јуни, е роден Федерико дел Саградо Корасон де Хесус Гарсија Лорка, нам најпознат како поет. Покрај сите интересни факти од неговиот бурен живот, еден изгледа неоправдано занемарен - дека бил страствен пијанист.

Eбигејл Вашбрн завршила источно-азиски студии, живеела некое време во Кина, и планирала да стане правник и да ги подобрува односите меѓу оваа земја и Америка, преку спроведување „системски реформи во кинеското судство". Ама...

Во 1959., Бертранд Расел, британскиот логичар, математичар и историчар, кој тогаш имал 90 години и Нобелова за литература, сè уште можел да даде добро интервју. Во ова зборува за еден од неговите (ретки) „конвенционални" пороци - пушењето луле, и како оваа негова навика во една ситуација му го спасила животот.

Во 1993., неколку месеци пред објавувањето на славниот албум „Грејс“, Џеф Бакли изглегол на сцена во некој клуб во Њујорк, и инспириран од неговата средба со Дилан претходната вечер, почнал да го имитира.

Инспириран од книгата на неодамна починатиот Морис Сендак, Спајк Џонз („Да се биде Џон Малкович", „Адаптација") ја претвора сликовницата од само 40 страници и сосема малку текст во прекрасен филм-фантазија.

Роден на 26. мај 1926, Мајлс е нарекуван „Пикасо на џезот", „квазар на кулот" и „темниот принц". Еден од пионерите на оркестарскиот џез, фузијата на џезот и рокот, и техно фанкот.

Познатото виолончелско дуо од Хрватска објави видео за песната Hurt, која во оригинал ја изведуваат Nine Inch Nails, а дополнително ја прослави Џони Кеш.

Некој со ник kogonada специјализира правење видео есеи онлајн. И тоа еден вид есеј, кој се концентрира на само една карактеристика на одреден филмски автор - на пример компилации на кадри снимени од жабја перспектива од филмовите на Тарантино, или на оние снимени со субјективна камера во Breaking Bad.

ТЕD и неговата мисија на споделување значајни идеи минатата недела беше доведена во прашање кога еден говор не беше поставен на официјалниот сајт, затоа што бил премногу политички обоен.