Американската компанија RSE Ventures веќе петта година со голем успех им носи забава на навивачите преку океанот, а на клубовите енормна заработка. Им се врти низ глава да организираат Шампионски Куп само со најбогатите и најголемите.

Едниот го дал Кевин Киген во 1981 година како играч на Саутемптон против Манчестер Јунајтед кога линискиот судија сметал дека Дејвид Армстронг претходно бил во офсајд. Вториот го даде Уругваецот Кавани на пријателската Барселона - Наполи при резултат 0-0 кога наводно Хамшик беше во офсајд. Кој од кој поубав.

Квинс Парк Ренџерс - Манчестер Сити, 1993 година во ФА Купот.

Дошол на грандиозниот „Луж“ на 16 години од Бразил и за него немало место во пеколната голманска конкуренција, па го дале на третолигаш. Таму Едерсон покажал зошто ќе биде иден долгогодишен голман на „Кариоките“ и зошто Гвардиола потроши 40 милиони евра на него.

Во овие 9 години откако Забалета е во Сити се менуваа претседатели, тренери, управи, играчи, а само тој никогаш не се смени. Остана борец кој играше за „граѓаните“ дури и кога морал да оди на операција на скршениот нос.

Врти-сучи пак доаѓаме до непобитниот факт дека најголемиот тренер во историјата на Премиер лигата Сер Алекс Фергусон имал најуспешни серии без пораз. И Мурињо има долга, но со повеќе од пола нерешени.

Ако мислите дека сте виделе мешаница пред гол, ако не сте го гледале видеово тогаш ништо не сте виделе. 30 јануари 1988, Блекбул и Манчестер Сити се сретнаа во ФА Купот. Домаќините во последната минута изведоа слободен удар, а потоа туш.

Сте слушнале ли за софтвер кој годишно вади најразни податоци за настапите на над 80.000 играчи во шест спортови кои потоа цели тимови на експерти ги анализираат за потребите на клубот? Не, ова не е време на совети од типот клавајте голови, туку време на најмодерни иновации кои помагаат како да бидеш понапред од другиот. 

Најефикасниот тим во цела Европа сезонава, успеа да ја надомести негативата од првиот меч (5:3) и со три парчиња во мрежата на Кабаљеро да ги испрати Пеп Гвардиола и Сити да се посветат на Премиер лига. Атлетико спиеше, Облак го спасуваше од пораз.

Осминафиналните дуели Сити - Монако и Баер Леверкузен - Атлетико Мадрид донесоа права голеада. Клинците од Кнежевството уште еднаш покажаа зошто сезонава играат пеколно ефикасен фудбал, но не можеа до крај против Сити. Атлетико заврши работа.

Сите Типстери кои го играле на голови мечот меѓу Бурнемут и Манчестер Сити, кликнале 3+, а мечот заврши 0:2, но тоа е помалку важно во случајов. Она што е загрижувачки се ваквите ужасно лоши проценки на судиите. Кога се сантиметри во прашање да им простиш, ама ова е веќе премногу.

По крајот на мечот од 25. коло на Премиер лигата меѓу Борнмут и Манчестер Сити, Пеп Гвардиола отиде кај играчот на Борнмут Хари Артер да му изрази жалење и сочуство за смртта на новородената ќерка во 2015-та.

Како и многу други бразилски феномени со топката, така и Габриел Жезус растел во сиромашна средина, без перспектива, но талентот за фудбал го донесе во најбогатиот европски клуб каде го тренира еден од најдобрите учители на денешницата.

На 17 години Стеван стана капитен на Партизан а на 20 им даваше голови на Ливерпул и Баерн во Лигата на шампионите. Во Англија го мачеа повреди, кам-бекот во Италија му го обележаа повреди, а сега на два меча во Севиља покажа повеќе од трите претходни сезони.

Пред само четири години немал телевизор да гледа Премиер лига, чекал пред селската коперација каде имало сателитска да му кажат што се случувало на натпреварите, а денес е ударна игла во шпицот на Сити под водство на Пеп Гвардиола.

Иако Пеп Гвардиола има голема доверба во него и му ја даде капитенската лента, бразилскиот репрезентативец и не се однесува баш капитенски затоа што на шест меча доби три црвени картони.

Пред големото дерби Сити - Арсенал минатиот викенд, Пеп Гвардиола им дозволил на играчите да излезат  на теренот во дресови со бројот 8 во чест на тешко повредениот Илкај Гундоган кој ќе паузира неколку месеци. Кога во тунелот се сретнаа Алексис Санчез и голманот на Сити Клаудио Браво, Чилеанецот го прашува Мексиканецот: „Гундоган? Некој од младинците“?

По неуспешната екскурзија во Глазгов Ренџерс каде се скара со секој жив и го фатија дека играл кладилница, Џои Бартон се врати во Барнли, тимот кој лани по негова заслуга влезе во Премиер лигата.

Роден на 15. декември 1996 година, младиот Украинец Олександр Зинченко беше член на Шахтјор Донецк, а потоа замина во рускиот тим Уфа. Во јули годинава Сити го купи и во август го позајми во ПСВ Ајндховен каде Украинецот потсеќа на Меси.

На една позната навивачка мелодија, на мечот против Сити додека нивниот тим ја имаше топката навивачите на ВБА пееја: "We've got the ball", а кога противникот ќе им ја земеше пееја "We've lost the ball". Како тоа добро звучи.

Брзината на Агуеро на FIFA 17 е 89 од 100, а на Керик 52. Во 85. минута од мечот (во тој момент Керик помина на терен 85 минути а Агуеро 15) двајцата тргнаа во полн трк. Како би изгледало тоа на FIFA 17, а како се заврши во реалност?

Статистиката може да те уништи медиумски и можеш да бидеш по уште поголем притисок дека треба да победиш или ќе те направи посилен, па потоа никој нема да смее да ти стапне на жуљ. Кај Пеп Гвардиола искуствата го покажуваат ова второто во Ла Лига и Бундеслига.

Манчестер Сити минатиот викенд го доживеа првиот пораз во Премиер лигата под водство на Пеп Гвардиола, а тој за казна им забрани да користат интернет. Тоа не е ништо кога ќе ги видите што забрануваа други тренери.

УЕФА го казни шкотскиот Селтик со 10.000 евра поради тоа што вееа палестински знамиња на меч против израелски клуб, а „Келтите“ тврдокорни по природа веднаш организираа акција за донирање парична помош на Палестина и собраа 172.060 фунти или 10 пати повеќе од казната на УЕФА. Колку го сакаат клубот покажаа и синоќа на мечот против Манчестер Сити во ЛШ (3:3).