На Арената „Тодор Проески“ конечно после 2 години пред 10.000 навивачи, македонската фудбалска репрезентација имаше водство против Словенија до самиот финиш кога Словенците израмнија на 1-1. Рутинска и зрела игра како најава за добар турнир летово.
Македонскиот фудбал со Словенија го врзуваат убави нешта. Првиот историски настап на репрезентацијата беше пред 28 години во Крањ кога славевме убедливо 1-4. И низ годините имаме одличен учинок со „змајчеки“.
И покрај обидот на Фудбалска федерација на Македонија да се стиши бурата со новите дресови, од компанијата која ги произведе дресовите велат дека во ФФМ добиле тоа што побарале.
Во ситуација кога љубителите на фудбалот од земјава се обидуваат да направат нацрт план како би требало да изгледа нивната екскурзија во Букурешт каде ќе игра македонската репрезентација, Владата назначи координативно тело кое би ги „олеснило“ тие обиди.
Емотивен видео расказ на Види Вака кој ги опфаќа почетоците на селекторот Ангеловски па сè до врвот кој го искачи заедно со фудбалерите. Фина приказна за Мрме и момците.
До стартот на Европското 2020 кое од познати причини ќе се игра во 2021, останаа нешто помалку од месец дена. Да ги погледнеме арените на кои летово ќе се игра најдобриот европски репрезентативен фудбал.
Управниот одбор на ФФМ донесе одлука по колку пари да и дава на македонската фудбалска репрезентација на Европското првенство, во зависност од резултатите нели. На пример за победа ќе делат 300.000 евра.
Ситно броиме до мигот вреден историја за македонскиот фудбал и спорт воопшто, а првиот ден на кој ќе ни се потат рацете пред ТВ е 13 јуни. Мрме ги прозва пулените од кои се очекува гордо и достојно да ја претстават Македонија во европскиот крем од 24 земји учеснички.
Селекторот Игор Ангеловски во главна улога, во документарката „Победници“ на Види Вака раскажува за патот кој го изодел за да стигне на врвот. Трејлерот е пред нас.
Снименa е на еден куп локации низ Македонија со еден куп фаци, што познати, што рандом кои се пријавиле за да бидат дел химната која го одбележува историскиот момент на нашата фудбалска репрезентација. Убаво го спакувале. Се вика „Одиме на Европско првенство“.
Се вика „Одиме на Европско“, ќе се снима во шест градови низ државава и секој може да се пријави како статист. Вчера ги начекавме со автобусот низ град.
Денови, недели после огромниот успех на Македонија во Дуизбург против Германија, сè уште се анализира тоа чудо. Му се пристапува од сите страни за да се најде логиката и најверојатно формулата ја открија Дарко Плавшиќ, Иван Лончаревиќ и Владимир Новаковиќ, коментаторите од белградското студио на Спортклуб.
По цела една година и кусур празни и пусти стадиони, фудбалот наскоро колку толку ќе добие поголем драж. ЕП 2020 дефинитивно ќе се игра со навивачи. Стадионите нема да бидат фул, ама со оглед на лудово време и ова е добро.
Со секогаш расположениот Рики може да зборувате со саати на различни теми и секогаш да ви биде сè поинтересно. Има животна приказна во него вредна документарец. Тргна од скопскиот асфалт и стигна до фантастични фудбалски висини. До момент Жозе Мурињо да му донесе поклон специјално за него.
Се искомплицира авантурата на македонските навивачи кои планираат на лице место да ги бодрат Пандев и другарите. Бројот на карти ќе биде многу лимитиран и нема да може да се седи на двата меча кои ги играме во Романија.
На некој и тоа му текнало. Да ја качи на нет цела, што е ТОП, бидејќи од денеска ќе можете во архива да ја сместите перверзијата која им ја направивме на Германците. Што убаво.
Ваква луда победа над речиси несовладливите во мундијалски квалификации со два порази во историјата, па трет од Македонија, не поминува само еден ден со реакции. Погледнете ги царевите JustCartoons што измонтирале денес. Тоа со фиќото на крај е врвот.
„Еј 10 минути момци јако еј, 10 минути јако“, се слуша Столе со ехо на крајот од видеото после голот на Елмас за 1:2. Ќе остане ова парче видео, вредно злато со коментаторот на Спортклуб кој е реален дека бевме оштетени и ќе се врти со години, бидејќи ова е најголемата победа во историјата на Македонија.
Коментаторот на Спортклуб и стручниот аналитичар од Белград, Владимир Новаковиќ направи детална анализа на тоа од каде потекнуваат големите успеси на македонскиот фудбал. Права дијагноза.
А од соблекувална, славјето продолжи во автобус со гермнското: „Ша, ла, ла, ла, ла, ла, ла, лааааа. ауфвидерзеееееен. Уживајте момци и наздравете. Скроз заслужено. Штета што се само 19 секунди.
Општо лудило е по Твитер и Фејсбук на тема Германија - Македонија. Што кај нас, што регионално, ама и во светски рамки. Коментарите се како да ви кажеме. Еве нешто од тоа што успеавме да пофатиме од целиот наплив.
