Снимката е од 2005-та. Диего има 45 години, а Лео 18. Во другиот пар е Карлос Тевез со уште еден. Нема потреба да ви кажуваме кој е главен и како ќе заврши. Абе и со газ им ја враќаше.

Во првиот меч кој Меси го заигра по смртта на Диего (Лео не патуваше претходно во Киев против Динамо во ЛШ), капитенот на Барса едвај чекаше да ја затресе противничката мрежа. Успеа во 73' минута за 4-0 со еврогол и го соблече дресот под кој носеше дрес од Њуелс Олд Бојс со број 10.

Мирчеа Луческу е жива легенда и еден од највозрасните активни тренери кој четири децении дели памет на фудбалери. Без суета, му пријде и му го побара дресот на еден од најголемите играчи, а овој мангупски постапи.

Реал Мадрид ја искористи слабата форма на Барселона и го казни обидот на Каталонците за висок пресинг. Рамос, Модриќ, Бензема и другарите го надоместија сензационалниот пораз од Кадиз на домашен терен и по 7 кола веќе се одлепија на +6 од најголемиот ривал во Ла Лига.

На 16 октомври 2004-та на меч против Еспањол влегува во игра наместо Португалецот Деко и дебитира на официјален меч.На 17 години 3 месеци и 22 дена. Веројатно ни самиот несвесен што ќе направи во следните 16 години. Најголемиот на сите времиња.

Гостување во Боливија е необично искуство низ кое поминува секоја репрезентација во Јужно-американските квалификации за Светско првенство. Стадион на највисока надморска висина на свет, играчите пред мечот се спремаат со кислородни боци.

Аргентина после пресврт едвај успеа да победи 1-2 на тешкото гостување во Ла Паз (3.640 м/ндвм). Боливија поведе 1-0 со голот на капитенот Мартинс Морено во 24’ минута, а Лаутаро Мартинез израмни на истекиот на првиот дел во 45’ минута. Во второ Жоакин Кореа ги постави конечните 1-2.

Извесен Трајче ни коментира под објавата со голот на Пандев дека му фали Величе Шумуликоски. Извесен Илија му прави врхунски риплај и ни го разубавува денот со следната споредба која заслужува да се урами.

Се вика Салвадор Апарисио, покоен е, а кога му го направиле интервјуто на тема Лео Меси го совладаа емоции. Плачел кога го гледал на натпревари за Барселона и Аргентина.

На пријателска во пресрет на почетокот на новата сезона во Ла Лига, Барселона со 3-1 ја совлада Жирона. Меси даде 2, а Кутињо 1. Сите три гола на Каталонците беа сјајни, а одлична партија пружи и малиот вундеринд Тринкао кој летово ја засили Барса.

Поради конфликт со управата за што отворено зборуваше во интервју за сајтот Goal.com, Лионел Меси некое време не е задоволен од претседателот на Барселона Бартомеу и има голема желба да замине. Ама договорот не му дозволува.

Во средата татко му на Меси во брзање на еден новинар му дал кратка и отсечна изјава дека е точно дека неговиот син ја напушта Барселона, а потоа рече дека на друго мислел.

Во 8 часот по средноевропско време, со приватен авион на аеродромот Ел Прат во Барселона слетал Хорхе Меси. Таткото на еден од најдобрите фудбалери на сите времиња стигнал директно од Розарио.

Уште нема никаква разврска на случајот Меси-Барса, но Аргентинецот полека врти нова страница од неговата неверојатна кариера. Дури и на неутралните емотивно им паѓа крајот на една ера која што го одбележа светскиот фудбал. Би било чудно да се гледа во друг дрес.

Некои медиуми веќе прават анализи околу тоа како најдобриот играч на светот ќе игра во тактиката на Манчестер Сити кај Гвардиола, а некои уште си поигруваат со нагаѓања каде Меси ќе ја продолжи кариерата. Па го начекаа Клоп да го прашаат дали го гледа Лео на „Енфилд“.

Барањето на Меси преку бирофакс за заминување од Барса не само што ги растревожи Каталонците кои дојдоа пред „Камп Ноу“ и бараа оставка од Бартомеу, туку ги крена на нозе и навивачите на Њуелс Олд Бојс.

Најголемите две интриги на летниот трансфер пазар се: 1. Дали Меси ќе замине од Барселона? (има цврста намера да си оди, но имаше и претходни години) и 2. Ако си оди, дали ќе замине бесплатно?

Англискиот клуб важи за прв фаворит за потписот на еден од најголемите на сите времиња, доколку Аргентинецот навистина замине од Барселона после цели 20 години.

Светот на спортот веќе неколку часа непрестано дебатира околу сагата Меси и Барселона, откако Аргентинецот побарал раскин на договорот и изразил желба да замине од Камп Ноу. Свое мислење дадоа и големите мајстори на фудбалот, луѓе кои играа и за Реал и за Барселона.

Аргентинецот се спремал долго време и синоќа како гром од ведро небо ја потресе светската јавност: Меси на управата ѝ пратил бирофакс со официјално барање. Според Marca, Лионел сака да ја искористи клаузулата во договорот за едностран раскин на договорот (може да ја активира на крајот од секоја сезона).

На 17-ти август пред 15 години, во 2005-та, селекторот на Аргентина Хозе Пекерман решава да го викне 18-годишниот Лео Меси во составот за пријателската против Унгарија на „Пушкаш Арена“ во Будимпешта. И малиот Лео добива шанса да влезе во игра, ама на терен остана само 43 секунди.

Барселона против Баерн го доживеа најголемиот срам во последниве 70 и кусур години, а дебаклот се надзираше уште по првите 45 минути во кои губеа 1:4. Капитенот беше снимен на пауза како дреме на стол, што е скроз некапитенски, особено во меч од ваква важност.

Лео вечерва за седум минути му стегна два комада на Наполи. Вториот му го поништија со ВАР поради наводно играње со рака, а на првиот фалеше уште Гатузо да се обиде да му влезе со клизачи. Нема лимити за човеков.

На една од бројните гала вечери и доделувања на Златна топка за најдобар играч на светот според ФИФА и Франс Фудбал, Кристијано Роналдо дојден со мајка му и син му. Во еден момент малиот го здогледува својот најголем идол и не му се верува што гледа. Сите стегнати и збунети.