Хет-трик на Меси за историја и солзи радосници со пехарот пред својот народ

Во Јужна Америка, се одиграа пет средби во 8. квалификациско коло за СП 2022 и на сите пет славеа домаќините. Најемотивно беше на Ел Монументал во Буенос Аирес, каде Меси му сруши рекорд на Пеле. По мечот имаше фешта за трофејот од Копа Америка.

По драматичната суспензија на големото јужноамериканско дерби, Аргентина дома ја пречека Боливија, а тоа за навивачите значеше ново шоу во режија на Лео Меси.

Аргентинскиот ас блесна со хет-трик за победа од 3:0 и успеа да го собори големиот рекорд на големиот Пеле. Меси сега е најдобар стрелец во историјата на репрезентативниот фудбал на својот континент со 79 голови, пред Пеле кој има 77.

Со неговиот хет-трик број седум во дресот на Аргентина, Меси ја одржа својата земја без пораз во мундијалските квалификации (5 победи и 3 нерешени).

По мечот тој пукаше од радост и емоции и потенцираше дека е презадоволен што конечно доби можност да го подели успехот на Копа Америка дома со своите навивачи. Трофеј кој го освои пред два месеци во финале против Бразил и кој му беше сон во кариерата.

„Сонував за ова и конечно ми се оствари по долго чекање. Нема подобро место за прослава. Тука се мајка ми и браќата, и тие чекаа долго, а вечерва слават. Многу сум среќен“.

Оваа година Меси со 153 мечеви, стана и фудбалер со рекорден број на настапи за Аргентина откако го мина Маскерано, а во 2016-та го помина рекордерот на Батистута кој беше прв со 54 голови.

1:0

2:0

3:0

Солзите на Меси

10 септември 2021 - 07:57

Штета ако сте пропуштиле

Да го пратиш на вакцинација, тој на кастрација ќе отиде

Дуке, Крсте и Исмаил ви честитаат Нова година

Кубанските доктори стигнаа во Италија

Молба за работа: Живеам со свекрва...