Наместо строги, ригидни судии со кои не можат да разменат ни добар ни лош збор, Матеу Лаоз важи за арбитар со кого играчите може да продискутираат за временска прогноза, за отворени кафулиња или за автоделови.

Супер дуели ќе гледаме во нокаут фазата од елитното друштво. Френки Лампард ќе се судри со бандата на Чоло Симеоне, Ливерпул имаше горе-долу добра ждрепка и ќе игра против германски Лајпциг. Меси и Барса ги чека јако дерби.

Антонио Конте ниту со еден тим не поминал подалеку од четвртфинале во Лига на шампиони (Јувентус, Челси, Интер). На последните 15 меча во ЛШ, победил само на 3 а општата статистика во Европа му е: 12 победи, 11 нерешени и 11 порази.

Разврската во групата Б во ЛШ синоќа заврши со драматичен крај како ретко кога. Веројатно многумина очекуваа дека во Мадрид нема да биде реми и Интер како фаворит ќе го совлада Шахтјор и ќе се пласира во топ 16. Но работите излегоа обратно.

Интер имаше зицер. Да победи дома против Шахтјор Доњецк и да чека Реал да ја совлада Борусија Менхенгладбах. И во Мадрид домаќинот глатко си води 2-0, а во 89' минута на „Џузепе Меаца“ Алексис Санчез со глава гаѓа кон голот на гостите, ама Лукаку на погрешно место во погрешно време.

Фудбалерите на Реал Мадрид и покрај двата порази од Шахтјор Доњецк во групата, успеа вечерва победи и да се пласира во следна рунда каде одат уште и Атлетико, Борусија Менхенгладбах, Порто, Сити, Баерн, но не и Интер.

ПСЖ и Башакшехир вечерва го доиграа прекинатиот меч. Почнаа од 14' минута а веќе во 21-ва Нејмар го отвори резултатот со мајсторски гол. Бразилецот постигна 3 гола, Мбапе 2 и Парижаните одат во нокаут фаза од групата од која испадна Манчестер Јунајтед.

Себастијан Колцеску, романскиот судија кој на „Парк на принцовите“ во Париз стана најголем негативец на колото во Лига на шампиони, имал чудно минато.

Турско романската серија во Париз крена голема прашина, а на ова тишинава без навивачи човек сè и сешто ќе чуе од терен и лесно може да донесе погрешен суд. За малку ќе имавме втор расистички испад од истиот меч, но овој пат од спротивната страна, па ќе беше големата и за тие што кренаа бунт.

Според информациите од Италија, на мечот со Мидтјиланд во Бергамо на 1. декември, лидерот на Аталанта Папу Гомез не слушал некои совети од тренерот Гасперини, по што овој го извадил на полувреме. Наводно се степале во соблекувалната.

Во првото коло од групата, Меси и Роналдо не се сретнаа во Торино зошто Португалецот пропушти неколку натпревари поради позитивен тест.Ова беше прва нивна средба после цели 2 години (Роналдо во 2018-та замина од Реал Мадрид). Двајцата се најдобри стрелци во историјата на Лига на шампиони.

Мечот Зенит - Борусија Дортмунд донесе убав фудбал, многу голови, поведри теми од оној дуел во Париз меѓу ПСЖ и Истанбул и нов рекорд во Лига на шампиони.

Во 14' минута од мечот ПСЖ - Истанбул Башакшехир главниот арбитар на мечот, познатиот романски судија Овидиу Хацеган реагираше на еден конфликт надвор од теренот.

Манчестер Јунајтед не успеа да ја преживее групата на смртта и покрај тоа што му требаше само бод за осминафинале. Роналдо со два пенали си замина среќен од Камп Ноу, а Лацио по пауза од 20 години ќе почувствува настап во нокаут фаза од ЛШ.

После 5 одиграни рунди веќе знаеме повеќе од пола патници во нокаут фазата - 9 екипи кои обезбедија пласман. Четири тима се сигурно први и ќе имаат предност на ждрепката за 1/8 финале.

Најлудиот меч синоќа во елитата, се одигра во Истанбул каде домашниот Башакшехир и Лајпциг постигнаа вкупно 7 гола. Тимот на Јулиан Нагелсман водеше 0:2, па 1:3, ама домаќинот го имаше неверојатниот Ирфан Кавеџи.

Наместо како колегата од спротивната страна Нејмар да биде ладен ко шприцер во завршницата, Антони Марсијал синоќа се посрамоти против ПСЖ и тоа само што почна вториот дел при резултат 1:1.

Фантастичен фудбал гледавме вечерва во претпоследното коло од групната фаза во ЛШ. Пари Сен Жермен успеа да освои 3 златни бода против Јунајтед и да остане во игра за нокаут фазата. Лацио до важен бод во Дортмунд, а Жиру направи чудо со 4 комада во Андалузија.

Прашање на време беше кога францускиот мајстор ќе заигра на врвно ниво. По евроголот минатиот викенд во Ла Лига, вечерва во Будимпешта постигна фантастичен гол со пета. Барса на полувреме води 0:3 против Ференцварош.

Французинката Стефани Фрапар (36) продолжува да импресионира. Таа вечерва на 2 декември ќе стане првата жена која што ќе суди меч во Лига на шампиони: Јувентус - Динамо Киев.

Ирецот Кејвин Келехер (22) е втор голман во Ливерпул. Во ситуација кога Алисон се повреди, Келехер доби шанса да го чува голот и го сочува на маестрален начин против Ајакс.

Атлетико Мадрид и Аталанта пропуштија победи на домашен терен и сега се доведоа во ситуација во последно коло да играат директни дуели за второ место во А и Д групата, каде Баерн и Атлетико се сигурни патници. Во групата Б е каша попара, а група Ц е решена.

Оваа појава е така честа ширум Европа, ноќта пред мечот ѓаволски да се буди противникот со топовски удари во ниедно време пред хотелот каде спијат, што чуди како досега никој не помислил да го обезбеди просторот околу. А во Менхенгладбах биле исплашени фудбалерите на Интер кои вечерва играат против Борусија во Лига на шампиони.

Вечерва во Лига на шампиони на „Енфилд Роуд“ ќе играат Ливерпул и Ајакс во меч кој може да биде клучен и за двата тима за пласманот во нокаут фаза. Ливерпул има 9 бода и е прв, а Ајакс и Аталанта имаат по 7 бода што значи дека сите варијанти се отворени.