El Chiringuito е најпозната емисија за спорт во Шпанија. Во неа реномирани новинари дебатираат, дискутираат сериозна тематика поврзана со шпанскиот фудбал и спорт воопшто.

Најголемиот бисер на Барселона и новата надеж, Ансу Фати пропушти скоро година дена надвор од теренот, па откако конечно се врати во екипата блесна и најави поубави денови за Каталонците.

Шоуто El Día Después точно ги дешифрира зборовите на Чоло Симеоне и фудбалерите на клупата за резерви за време на лудиот меч со Еспањол на гости. Атлетико Мадрид успеа да слави 1:2 со гол дури во длабоко судиско продолжение, во 90+9’ минута. Еве како реагираше Диего Пабло Симеоне.

Бетис ја урна Гранада на гостински терен и тоа со луд гол на капитенот Серхио Каналес кој некогаш играше во Реал Мадрид. Десетката на гостите од Севиља направи соло продор каков што му успева само на Меси.

Во супер меч во кој навивачите видоа дури седум гола, Реал Мадрид ја совлада Селта Виго со 5:2 после два пресврти и со триумф го одбележа враќањето во својот дом после дури 560 дена.

Лука Зидан (роден 1998-ма кога татко му Зизу жареше и палеше на Светско првенство и даде два гола во финале против Бразил) е голман кој досега бранеше во Реал Мадрид Б и Расинг Сантандер, а од октомври 2020-та е во Рајо Ваљекано каде за место се бори со нашиот Столе Димитриевски.

Лионел Меси веќе неколку дена тренира со новите соиграчи во ПСЖ и се спрема за дебито во дресот на Парижаните. А во Каталонија изненадно на аукција се појавило марамчето со кое Аргентинецот ги бришеше солзите на заминувањето од Барселона.

После низа перипетии, Лионел Меси конечно е во ПСЖ. Го одбрал бројот 30 со кој дебитираше во професионалниот сениорски фудбал и го носеше во првите години од кариерата.

Аргентинскиот ас, најдобриот фудбалер на сите времиња според многумина, денес на прес-конференција во неговиот втор дом на „Камп Ноу“ се прости од саканиот клуб и навивачите.

Нешто слично гледавме неколку пати во последните пар години. Меси не беше во добри односи со претходната управа на Жозеп Бартомеу, па често се случуваше да излезе вест дека е разочаран и дека ќе пакува куфери да си оди. Паралено со таквите вести, навивачи се собираа пред „Камп Ноу“ да протестираат и да го молат да остане. Сега дефинитивно заминува.

Во четвртокот вечер се случи она што веќе неколку месеци беше во доменот на шпекулации. Вечерта кога Барселона требаше да има финална средба со татко му на Меси за новиот договор на Лео, стигна шокантна официјална вест од клубот.

После многу шпекулации, конечно клубот Барселона се огласи и соопшти дека Лионел Меси веќе не е член на каталонскиот гигант.

„Ние не сме Атлетико ако не страдаме“ е една од познатите фрази меѓу навивачите на „јорганџиите“ од Мадрид. И така беше сезонава која што на крај ја крунисаа со 11-та титула, можеби најдрага за навивачите затоа што многу се намачија до неа.

По ремито без голови во големото дерби меѓу Барселона и Атлетико Мадрид, Реал Мадрид и Севиља одиграа 2:2 со што и натаму сите четири екипи конкурираат за вредниот шампионски пехар.

Што е, насловот да не ве збуни? Кога ќе ја погледнете табелата во двете првенства кои ви ги посочуваме, ќе ви стане јасно каква брканица е. Плус има и други занимливи ситуации, како на пример Ливерпул може многу лесно да извиси од ЛШ, исто и Борусија Дортмунд, а и Јуве не се сигурен.

Од сите досегашните ВАР одлуки во фудбалот, оваа е најјака. Не е за спорен гол, пенал или црвен картон, туку опомена до судијата дека прерано свирнал крај, па ги враќаше играчите од соблекувална. И тоа ова се случува во првата шпанска лига.

Пред мечот Барселона - Хетафе кој заврши 5:2, гостите како што налага традицијата во Шпанија, со убав коридор ги пречекаа домашните играчи на теренот за да им честитаат на големиот трофеј освоен во Купот минатата сабота.

Како стојат работите, во најдобрите топ 5 лиги во Европа, најинтересно во финишот ќе биде на Пиринеите. Таму трите најголеми титани до крај ќе се борат за најдрагоцениот пехар - шампионска титула во Ла Лига. Кој е во најдобра положба?

Најдобриот фудбалер на сите времиња според многумина, Аргентинецот Лионел Меси во својата кариера постигна 26 гола во „Ел Класико“, ама последниот го дал пред речиси три години!

Барселона го одигра најдобриот меч во сезоната 2020/2021. На секогаш незгодното гостување кај Реал Сосиедад во Баскија, Каталонците одиграа неверојатна партија и до врв ја наполнија мрежата на домаќинот: 1-6. Меси го забележа 768 настап за првиот тим на Барса и стана прв на вечната листа со најмногу натпревари, пред Чави кој има 767.

Реал Мадрид игра офанзивно најслаба сезона во последните 14 години. Тоа е сèшто треба да знаеме за нападот на „кралскиот тим“ кој делува просечно.

Пред неколку месеци раскажавме за капитенот на Уеска, Хорхе Пулидо кој на секој гостински меч излегува на теренот со уникатна капитенска лента околу рамето.

Барса синоќа со 4-1 ја прецрта Уеска. Лео Меси го израмни неверојатниот рекорд на Чави со 767 настапи за Барселона и му фали уште еден за апсолутен рекорд. Аргентинецот даде 2 гола од кои едниот беше фантастичен. Исто луд гол даде и Антоан Гризман.

Шпанските стадиони веќе една цела година се празни, без гледачи поради глобалната вирусна пандемија. На легендарниот стадион на Валенсија веќе израснала и трева околу столиците.