Шкотите речиси секогаш играат во традиционални сино-бели бои и тешко е да се поверува дека оваа брутална репрезентација позната по фајтерска игра некогаш играла во розови дресови. Пред три години така се појавуваа на гостувања, а и пред 100 години играле во оваа боја.

Фудбалски навивач кој веројатно имал доста слободно време, фатил да прави статистика на тема која репрезентација во просек имала најмногу публика на мундијалските квалификациски мечеви. Резултатите за Македонија се погубни. Бангладеш е пред нас. Исланд и Хаити држат лекции.

После 22 меча за 884 дена во далечни земји на крајот од светот, „Кенгурите“ заслужено обезбедија пласман на Мундијалот 2018 во Русија. Имаа убедливо најтежок пат до Светското.

Репрезентацијата на Мароко го победи Брегот на Слонова Коска со 0:2, се пласираше на Мундијалот 2018 и за првпат после 1998 година ќе игра на едно Светско првенство.

Играч, падобранец на терен и полицаец во заедничка прегратка по повод првиот историски пласман на Панама на Светските првенства. Ова го прави само фудбалот.

На денешен ден пред точно 24 години, македонската фудбалска репрезентација го одигра првиот официјален натпревар, а истата година Шпанија го забележа последниот пораз на квалификации за Светско. Колку е интересна ова историјава во фудбал.

Мислевме дека детето кое ја рогна топката во пченките е единствениот начин на кој Панама доби помош од страна, за да истече проклетото време на клучниот меч за пласман на Светско, ама имало уште бурлески.

Селекцијата на САД која на минатиот Мундијал стигна до осминафинале, не изеде само тежок срам со тоа што загуби од атусајдерот Тринидад и Тобаго и по 32 години остана без Светско, туку и ја оневозможи својата земја да сврти многу голема пара.

Селекцијата која играше финале на Светско 2010 и освои бронза на Мундијалот 2014-та поминува низ кошмар. Лани останаа без ЕП 2016, а сега нема да одат ни на Светско.

Се појавија многу интриги за тоа што всушност се случувало за време на последните минути од квалификацискиот меч меѓу овие две селекции кои велат дека не договарале, ама сепак разговарале дека им одговара нерешено.

Панама вака така се извлече и со непостоечки гол обезбеди учество на Мундијалот во Русија. Истовремено во прилог му одеше и поразот на САД од Тринидад и Тибаго. Двајца коментатори се тресеа од страв да не се случи некоја пиздарија на крај, а потоа експлодираа од радост.

Деновиве се изнагледавме интересни сцени од Јужна Америка каде се водеше борбата за пласман на Мундијалот 2018. Шаманите од Перу кои правеа магии не биле единствените досетливи од оваа необична земја.

Дека цела таа славна напаѓачка линија во Аргентина не функционира воопшто со исклучок на Меси, доказ е следниов неверојатен податок. Во 2017-та ниту еден друг играч освен асот на Барселона нема постигнато гол за Гаучосите. Последен пат тоа бил Ди Марија на меч во ноември 2016-та. Ако не се разбудат другиве, Аргентина може да има само епизодна улога во Русија.

Габриел Торес и Роман Торес се јунаците на Панама кои го свртеа мечот со Костарика на 2:1 во 52-ра и 87-ма минута за историски пласман на СП 2018. Најголем страв од израмнување во финишот имаше едно од децата кое собира топки, па се реши на дивјачки начин да задржува време.

Најскандалозниот пласман на Светското првенство во Русија го обезбеди селекцијата на Панама која испиша фудбалска историја со погодок кој не ја мина гол линијата. САД се избламира со аутсајдер и по 32 години остана без учество.

Во вечер каква што може да понуди само Јужно-американскиот фудбал, Аргентина се избори со сите можни проблеми и се пласираше на Мундијалот во Русија следното лето. Колумбија оди на Светско, Перу во баражот, Чиле отпадна.

БиХ не успеа да го освои второто место за да проба преку бараж да се пласира на Светско. Имаа подеми и падови, а на крајот од нивната група Белгија оди директно на Мундијал а Грција во плејофот. Навивачката група „БХфанатикос“ кои во сопствена режија патуваат насекаде каде игра Босна и Херцеговина, на гостувањето во Талин, Естонија покажаа зошто се во војна со фудбалската федерација која сега ја чека драконска казна за ова.

Во Јужна Америка остануваат уште 90 минути фудбал за да конечно се знае кои репрезентации ќе патуваат во Русија следното лето. Перу е селекција која игра сосема добри квалификации и вечерва треба да ја победат Колумбија во директен дуел макар за баражот. Пред мечот шаманите направија ритуал.

Во пресрет на последното коло од квалификациите во КОНМЕБОЛ, Аргентина гостува кај Еквадор и мора да победи доколку сака да избегне бламажа и да остане без пласман на Светското првенство. Тамошната федерација вечерва соопштила дека селекторот на Еквадор Селсио е казнет за овој меч поради расправијата со Видал на претходниот меч. А вакви расправии гледаме секој викенд па никому ништо.

Македонската фудбалска репрезентација 2016-та ја заврши со една победа и 7 порази, а годинава имаат 4 победи, 3 нерешени и само еден пораз. Така е тоа кога се гледа дека селекторот знае што работи, кого бира, а тие играат со муда, без комплекси и со ист пристап и желба без разлика дали им е противник Италија или Лихтенштајн.

Селекцијата на најмалата земја која некогаш се пласирала на Мундијал е пример каков треба да е односот кон националниот дрес, грб, химна. Набројуваме 10 причини зошто може да се навива за нив во Русија.

Во квалификациската група Е, Полска ја совлада Црна Гора со 4:2. Црногорците имаа храброст да одат на гостување каде ако не седиш мадро, сигурно ќе носиш модро, а шегите одат до таму што се вели дека спиеле надвор од Полска и потоа со полициска придружба заминале на стадион.

Земјата која има жители од прилика колку половина Скопје, на ланското Европско првенство ги освои срцата на навивачите со свои игри и пласманот во четвртфинале. Овој пат еве ги на Светско за прв пат и тоа директно како првопласирани во тешка група со Хрватска, Украина и Турција. Батали политика во вести, вака се прави тоа пред историскиот меч со кој и официјално ја заверија визата за Русија.

Хрватските медиуми не штедат зборови за голот на Аријан Адеми кој по својата соло акција против Лихтенштајн се виде дека е ненаигран фудбал. Честитки за мајсторијата пристигнаа и од Динамо Загреб.