Веќе години наназад македонската фудбалска репрезентација мака мачи да привлече солидна бројка на гледачи кои ќе ја бодрат, без разлика дали се работи за квалификациски меч за европско или светско, а да не зборуваме за пријателски.
Тоа воопшто не се промени ниту со убавиот Градски кој е во ново руво скоро 10 години. Во последните мундијалски квалификации, нашиот национален тим демонстрираше убав напаѓачки фудбал за око и во цела 2017-та година загуби само еднаш.
Групата беше доста атрактивна. Во Скопје допатуваа светските шампиони Шпанија и Италија за кои настапуваат врвни ѕвезди, а другите противници нѝ беа Израел, Албанија и Лихтенштајн.
Но се е ова џабе и срамота кога ќе видите кои земји имале повеќе публика од нас во последните квалификации. Ќе издвоиме неколку: Камбоџа, Замбија, Хондурас, Уганда, Узбекистан, Буркина Фасо, Азербејџан, Панама, Виетнам, Туркменистан...
Да скратиме. Од 134 земји кои играле квалификации, Македонија е на бедното 89-то место со просечни 10.876 гледачи по натпревар. Тажно и жално за стадион со 33.000 гледачи. Колку и да и стави човек цена на карта за оваа пасивна нација на која очигледно и недостасува спортска култура, пак џабе, а 2017-та севкупно беше фудбалска година каква што сме немале никогаш.
Селекцијата која имала најголема поддршка според бројот е Англија со 75,230 гледачи, а според процентот на исполнетост на стадиониоте, најверни се Исланд со 99%. Потоа следуваат Хаити 98%, Велс 95%, Коста Рика 94%, Полска 94%, Република Ирска 94%, Унгарија 93%...
Одиме со цел список:
