По ждрепката за ЛШ која донесе спектакуларни групи, попладнево во Истанбул се влечеше и ждрепка за Лига Европа. Елмас и Наполи ќе играат во интересна група. Од балканските клубови Динамо и Звезда добија противници по мерка.
Фудбалерите на Виљареал го освоија вредниот трофеј на Лига Европа, откако вечерва на пенали го совладаа Манчестер Јунајтед. Пенал серијата траеше бескрајно, се изведоа дури 22 пенали. Унаи Емери по четврти пат го крева овој пехар и влезе во вечноста.
Десниот бек на македонската фудбалска репрезентација по долго време поминато во Спортинг Лисабон, одлично зборува португалски јазик. Тоа го искористил при запознавањето и мубаетот со Жозе Мурињо по историскиот триумф на Динамо Загреб над Тотенхем. Добил и подарок со автограм.
По сјајната ждрепка за Лига на шампиони, попладнево во европската куќа на фудбалот во Нион се извлече и ждрепка за четвртфинале на Лига Европа. Се паднаа некои фантастични парови.
Џо Харт, некогашниот англиски репрезентативен голман, сега е резерва во Тотенхем. Или он или тој што му го води Инстаграм акаунтот изгледа заборавил дека вкупен резултат се смета од двомеч, па синоќа и покрај поразот 3:0 од Динамо, Харт објави стори со крајниот резултат и опис: Job done! (Средена работа).
Жозе Мурињо речиси и да не памти каде добил ваков фудбалски шамар како вечерва на „Максимир“. Дојдоа Спарси со позитива од 2 гола по триумфот во Лондон, ама Динамо покажа страшна психолошка и физичка снага и го нокаутираше големиот ривал за пласман во историско четвртфинале!
Црвена звезда со 0-2 го победи Гент во Белгија во групната фаза од Лига Европа. Првиот гол на овој меч падна во 53' секунда и е еден од најбрзите во историјата на ова натпреварување. Његош Петровиќ распали со сета сила од 30-ина метри и топката под пречка влезе во гол.
Победничката серија на Мурињо и лидерот во Премиер лига Тотенхем продолжи во Лига Европа каде со 4-0 го добија бугарски Лудогорец. Во 63' минута од мечот Хари Винкс постигна фантастичен погодок за 3-0 од 40-ина метри:
На најдолгата серија без пораз на Милан во последните 24 години ѝ дојде крај. Тимот предводен од Пиоли не изгуби од 8 март (18 победи и 6 нерешени). Ама во четвртокот вечер им пристигна Јусуф Јазичи.
Арсенал синоќа го победи ирски Дандалк во 2. коло од Лига Европа со 3:0 и тоа беше прв натпревар од 1. јули на кој „топџиите“ не примија гол на домашен терен. А мечот го одбележа уште една занимливост.
Фудбалерите на Милан стигнаа до неверојатна серија од 23 меча без пораз во сите натпреварувања (18 победи, 5 нерешени). Синоќа лагано со 3-0 ја победија Спарта Прага во Лига Европа и веќе имаат 6 бода. Брахим Диаз на 2 меча има 2 гола, а дојден е на позајмица од Реал Мадрид.
Дефинитивно нема коло од Премиер лига или Лига Европа а Португалецот да не направи шоу какво што изведе во Скопје. Синоќа во Белгија неговиот Тотенхем изгуби од Антверпен со 1:0 а Жозе од лежерен пред мечот стана потиштен после натпреварот.
Австриски Волфсберг направи најголемо изненадување во Лига Европа синоќа откако со 1-4 го потепа Феенорд среде Ротердам. Ама мечот имаше чуден тек зошто српскиот судија Срѓан Јовановиќ досуди 3 пенали за гостите, нешто што многу ретко се гледа во фудбалот, една екипа да добие толку казнени удари.
Во новото издание од Лига Европа ќе има 5 македонски фудбалери: Дарко Велковски, Милан Ристовски (Ријека), Адеми (Динамо), Елмас (Наполи) и Дени Илиев (Арсенал). Неколку интересни вкрстувања: Велковски и Ристовски против Наполи на Елмас.
Тотенхем ги почна квалификациите во Лига Европа од 2. коло. Првиот противник Локомотив Пловдив се покажа како многу тврд орев, па Спарс едвај се спасија од историска бламажа.
Само што заврши евросезоната 2019/2020, а УЕФА веќе размислува што да прави со следната. Претседателот Чеферин соопшти дека почнале разговори за тоа да се задржи актуелниот формат.
Во првото полуфинале од Лига Европа, Манчестер Јунајтед напаѓаше цел меч, но во финалето влезе Севиља која даде 2 гола од 3 шута. Во второто полуфинале немаше такво нешто: Интер го прегази Шахтјор со 5:0.
Се комплетираа четвртфиналните средби во Лига Европа откако вечерва Шахтјор му нанесе дебакл на Базел, а Севиља го реши мечот во 88-ма, откако Англичаните промашија пенал во прво. Полуфинале: Шахтјор vs Интер и Севиља vs Манчестер Јунајтед.
Интер, Манчестер Јунајтед, Шахтјор и Копенхаген се првите четвртфиналисти во Лига Европа. Најнеизвесно беше на Меаца каде гостите во 76-та утнаа пенал за 1:1, а во Доњецк финишот беше лудачки. Шахтјор ги наполни гостите со 3 комада од 89-та до 93-та.
Покрај одлуката за одложување на Евро2020 за следната 2021-ва, УЕФА реши и да ги пролонгира датумите за одигрување на двата натпревари кои би требале да го одредат шампионот во ЛШ и во ЛЕ.
Спортинг Лисабон за кого игра македонскиот репрезентативен бек, од првиот меч против турски Башакшехир имаше предност 3:1. Во реваншот до 91' минута губеа 2-1 па примија гол од пенал и во продолженија уште еден па испаднаа.
Гладбах испадна од ЛЕ со гол примен во 90+1' минута од Башакшехир кој направи голем подвиг. АЗ се држеше полувреме на „Трафорд“ а во второ Јунајтед им даде 4. Пресликан дуел и во Вулверхемптон.
И покрај тоа што губеа дури со 2:0 во 69' минута и беа на прагот да испаднат од Лига Европа, фудбалерите на Арсенал во неколку секунди постигнаа 2 гола и се спасија од бламажа.
Селтик, Севиља, Базел, Еспањол и Манчестер Јунајтед се пласираа во следната рунда од Лига Европа, откако вечерва освоија по 3 бода. Рома ќе има тешка задача затоа што гостува во Истанбул кај Башакшехир во следното коло.