Аргентина - Хрватска и Мароко - Франција се двете полуфинални двојки на Мундијалот во Катар. Европската класика Англија - Франција му припадна на светскиот првак кој победи со голчиштето на Чуамени и незапирливиот Жиру кој живее втора младост на 36 години. Кејн шутираше два пенали. Вториот го упропасти.

Мароко и Португалија одиграа содржински натпревар со многу шанси од кои падна само еден гол. Издвојуваме седум убави прилики од кои три во судиското продолжение. Роналдо имаше убава прилика за израмнување, а потоа Мароко испушти огромна шанса за да ја запечати победата на 2:0.

Обично децата на фудбалерите ги гледаме со вакви ситуации, ама Софијан Буфал е цар и на терен ја викна мајка му за да ја слават оваа незаборавна сензација и историја за Мароко и Африка.

Иако изгледаше дека Мароко им е противник по мерка и ветуваа нова моќна партија после оние 6:1 против Швајцарија, сепак Португалците заминуваат дома, а Роналдо се збогува со неговиот петти и веројатно последен Мундијал во кариерата со многу тага и солзи. Една од ретки негови неславни статистики вели вака: 0 голови на нокат мечевите на СП.

Трет четвртфинален меч, трета луда драма со неочекувана завршница. Мароко ја победи Португалија со 1:0 и се избори за сензационално полуфинале, прво за една земја од Африка на Светско првенство. Кристијано Роналдо доби шанса во 51 минута и замина во соблекувална во солзи. Уште што ли ќе видиме на ова Светско првенство?

На толку возбудавања, продолженија, пенали, емоции, солзи и радости, не смее да се заборави со каква бразилска мајсторија се соочија самите Бразилци. Џокерот на Далиќ и клупски колега на Адеми и Ристовски во еден момент си поигра со ѕвездите на Реал и ПСЖ.

Страста на Аргентинците за фудбал и оној култ кој го имаа развиено за репрезентацијата е нешто посебно. Погледнете ги овие сцени само затоа што поминаа четвртфинале.

Нејасно е дали е ова од очај за голот на Холандија во 111-та минута или од радост за последниот пенал вреден полуфинале. Како и да е, ова требало да остане меѓу него и жена му. Или уште подобро и таа да не знае.

Емилиано Мартинез е херојот на тешкиот триумф на Аргентина кој им фати два пенали на Холанѓаните и ги испрати дома. По завршувањето на мечот непримерно и некултурно му се истури на селекторот на Холандија, без да бира зборови.

Хрватите се во транс откако на пенали ја елиминираа селекцијата која според многумина беше фаворит број 1 за светскиот трон. Најуникатната прослава ни доаѓа од Загреб. Ни пишаа дека ова не било кран, туку пумпа за бетон. Сеедно.

Светското првенство режира неверојатна драматургија која уште долго ќе се памети. По лудиот меч Бразил - Хрватска на кој „коцкестите“ после пенали отидоа во полуфинале, вечерва Аргентина и Холандија понудија спектакл. Уште поголем.

Нова неверојатна драма им приредија хрватските фудбалери на сите љубители на фудбалот. По пенал-рулетот со Јапонија на кој голманот Доминик Ливаковиќ одбрани дури три пенали, вечерва после храбра игра го урнаа и големиот Бразил, прв фаворит за титулата на ова Светско првенство.

После 90 минути без голови, во продолженијата од осминафиналениот дуел Бразил - Хрватска, кариоките први поведоа преку Нејмар за „коцкестите“ да израмнат преку Бруно Петковиќ. Пеналите одново талични за Хрватска која го направи најголемото чудо и го исфрли првиот фаворит за трофејот.

Во петтата емисија посветена на СП Катар 2022, која го освежи сиромашниот македонски спортски етер со интересни анализи и занимливи приказни и анегдоти, гостува легендарниот напаѓач Васил Рингов, инаку прв стрелец во историјата на Вардар. Од Загреб се вклучува Мрме.

Навивачката атракција број 1 на Светското, Ивана Кнол која глава не може да крене од интервјуа и селфија, објаснува дали и било дозволено да шета разголена во Катар. Според тоа што го објасни, домаќините и закон прекршиле, само да биде облечена она како што таа сака, а и цел Катар. Инаку пред неколку дена се пофали дека дневно имала до 200.000 нови следбеници на Инстаграм.

Еден од двајцата Македонци кои со Југославија учествуваше на Мундијалот во Италија, во подкастот „Тоа е фудбалот“ со Златко зборува за државните проблеми и скептицизмот со кои биле испратени на Светско во тие турбулентни времиња последни за големата држава, која никогаш нема да дознаеме какви спортски успеси би редела во денешно време.

Денес Бразил игра против Хрватска за второ полуфинале на Светско првенство уште од 2002 година. За цели 20 години кариоките кои се најтрофејни со дури 5 светски титули, на претпоследно скалило стигнаа на Мундијал во 2014-та на домашен терен. Интересно, ги води човек за кого многу малку се знае во Европа и ретко кој што пишува.

6 декември 2022-ра за Мароканците ќе остане историски датум поради победата над Шпанија и пласманот во топ 8 на кој за прв пат се радуваат на Светско. Кога Хакими го изведе решавачкиот пенал, овој човек, кој дел од редарската служба на мечот, не успеа да остане мртов ладен како тој до него. Причината е јасна, од Мароко е.

Кошаркарите на Денвер и Портланд приредија игра на нерви во последните 3 минути во кои водството се смени дури осум пати и паднаа четири тројки. Драмата ја реши Џамал Мареј со тројка во последната секунда и постигна вкупно 21 поен, а Никола Јокиќ имаше ново блескаво издание со 33 поени, 10 скока и 9 асистенции. Нагетски победија 121:120.

Бразил живее во голема еуфорија. На светско злато не се радувале од 2002-ра година кога блескаа Роналдо, Ривалдо, Роналдињо, Денилсон. Сега „кариоките“ имаат еднакво добар, ако не и посилен состав, па очекувано јавноста од нив чека пехар. Имаат рекордни 5 светски титули и сега дизајнерите се фатиле за тоа каде би ја ставиле шестата ѕвездичка на грбот?

Јапонија се врати дома после одлично завршена работа во Катар каде беа хит со сензационалните резултати кои ги остварија над двата поранешните светски шампиони. Навивачите им прередија топол пречек.

Разликата во навивачки пристап во Европа и во САД. На белградското дерби Партизан - Ц. Звезда некогашното дете на „црно-белите“, најдобриот стрелец на репрезентацијата на Србија пречекан бурно од 20.000 гледачи. Кристијан Пулишиќ, најдобриот фудбалер во репрезентацијата на САД, штотутку вратен од Светско, исто дошол во сала да гледа НБА.

Кошаркарите на Партизан и Црвена Звезда низ историјата одиграле стотици дуели, многу од нив на нож, со големи тензии, нервози, прекини. Во четвртокот вечер за првпат се сретнаа и во елитната Евролига. Во белградска „Арена“ над 20.000 гледачи, многу гости од страна дојдени само за дербито, и гостинска публика која се радуваше на тројката за победа во последна секунда.