Рајо Ваљекано оствари историски триумф против Барселона на гости со 0-1 и стана еден од ретките клубови на кои му успеало два пати да ја скроти Барса во една иста сезона. Среде „Камп Ноу“ Рајо играше маестрално, а јунак на мечот беше нашиот Столе Димитриевски со неколку бравурозни одбрани со кои ги исфрустрира домашните навивачи и играчи.

На натпреварот меѓу Саутемптон У-23 и Њукасл У-23, Тајлер Диблинг постигнал дури три гола во првиот дел а сите три му биле неверојатно исти. Човек кој не го гледал натпреварот би помислил дека е монтирано.

Перуџа ја совлада Парма 2-1 во натпревар на кој нашиот Горан Пандев одигра 56 минути пред да биде заменет со шпицот Роберто Инглезе. „Млекарите“ примија два брзи гола во рок од две минути од 5-та до 7-ма. Вториот примен гол беше воедно и последица на најголемиот кикс на Џиџи Буфон во кариерата.

Новак Ѓоковиќ се наоѓа во Белград на турнирот Србија Опен каде се пласираше во финале, откако го совлада Карен Хачанов со 2:1. И кога оп, колегата Бошко Тасиќ го изненади најдобриот тенисер во светот со подарок дрес од најдобриот македонски ракометар. Поздравот е од Кире Лазаров и РФМ.

Мундијалот во Катар е закажан за 21 ноември - 18 декември 2022. Следната зима да може да бирате, би одбрале да одите по слави или тука?

Вкупно се 24, а ги дадоа: Трајковски 5, Елмас 4, Алиоски 3, Барди 3, Велковски 2, Несторовски 1
Пандев 1, Николов 1, Чурлинов 1, Адеми и Милан Ристовски 1. Ги спакувал во едно Matejcho кој има направено и други добри компилации на Јутјуб со наши фудбалери. Вреди да се потсетиме.

Ако треба да одбереме кој е синоним за бројот 10 и италијанскиот фудбал во 90-те, тоа сигурно е Роберто Баџо. Идол на многу генерации за кој се раскажува и ќе се раскажува. Цела Италија го сакаше на тоа пусто Светско, само Трапатони не.

Еден ден по загубата на новороденчето, Енфилд Роуд создаде уникатна сцена на дербито Ливерпул - Манчестер Јунајтед, за да му оддаде почит на Роналдо. Им возрати со објавување на видео од емотивниот момент во 7 минута, кое само во првите два часа имаше над 4 милиони лајкови.

Далеку сме ние од вакви идеи, а не па реализации. Додека германските клубови смислуваат начини како да им го олеснат животот на своите поддржувачи, кај нас со години чекаат да им се реновира трибина и за прв пат во историја да им светне стадионот со рефлектори. На пример Тумбе кафе.

Капитенот на Челси Сезар Аспиликуета постигна гол во поразот на неговиот тим од Арсенал 2-4 на „Стемфорд Бриџ“, но и покрај тоа одредени навивачи после натпреварот му дофрлале дека недоволно се бори и тој и соиграчите. Аспиликуета тргнал кон трибината каде со раце во вис му се извинувале за повиците.

Некои навивачи имаат обичај пред противнички голман да ја изведе топката од свое поле, да му викнат едногласно нешто навредливо, а некои практикуваат така да им сметаат на изведувачите на корнери. За време на мечот Хал Сити - Кардиф Сити кој заврши 2-1, домашните навивачи на еден корнер викаат "you shit bastard ahhh" и примаат гол.

Во 20. коло од пролетниот дел во Бизнис лигата на Македонија славеа екипите на ЈП Водовод и А1.

Играчот кој во времетраење на акцијата има најголем број на тикети со еден промашен тип, ќе ја освои највисоката премија од еден милион денари, второрангираниот и треторангираниот добиваат бесплатно обложување во период од еден месец со вредносни ваучери од 200, односно 100 денари.

Лаутаро Мартинез го имаше најатрактивниот потег на миланското дерби кога ја заби дрско со волеј, ама на голот му претходеше јак тимски фудбал кој момците на Инѕаги го развија по само 3 минути игра.

Срамна одлука на британските власти кои прават страшен преседан кој во иднина би можел сериозно да му наштети на белиот спорт, велат од АТП.

Хајдук го победи Динамо Загреб 1-0, освои три бода и на пет кола пред крајот на хрватското првенство се врати во борбата за титулата. Сега по 31 одиграни натпреври, Динамо е прв со 66 поени, Осијек втор со 64 а Хајдук трет со 62. Повратникот во Сплит, Никола Калиниќ кој играше за неколку големи европски клубови меѓу кои и Милан и Рома, го реши дербито со прекрасен гол со лева.

Њукасл го победи Кристал Палас 1:0 во 33. коло од Премиер лигата и за прв пат после 2004-та се радува на шест домашни победи во низа. Долгиот празничен викенд ви го најавува Алан Сен Максимин.

Само прашање на денови е кога Реал Мадрид ќе ја официјализира новата 35-та титула во Ла Лига. Синоќа славеа над Осасуна на гости со 1:3, а стрелци на головите беа Алаба, Асенсио и Васкез. Никој нема да му замери на Карим за промашените пенали. Погледнете како им го организираше нападот за последниот гол.

Најголемо изненадување во рускиот Куп направи нисколигашот Аланија Владикавказ откако го елиминираше големиот шампион Зенит по изведување на пенали. Аланија губеше 1-2 но постигна гол во последните секунди од мечот и тоа еврогол од слободен удар преку Николаи Ѓорѓобиани за нерешени 2-2 и пенали.

Вакви голчишта тешко се забораваат, особено ако прашате навивач на Реал Мадрид. Не знаеш дали е подобра акцијата од која последните седум пасови се на прва или завршницата на Холанѓанецот. Падна пред точно 15 години на меч против Валенсија.

Руслан Малиновски од Аталанта е еден од оние фудбалски ликови кои работат на помирување, но и спасување на луѓе од хоророт кој му се случува во татковината. Му подаде рака на талент од Шахтјор кој блесна за тимот од Бергамо.

Може само да се замисли колку е силен Ливерпул кога меѓу првите петмина најдобри стрелци во лигата, тројца се нивни играчи (Салах 22, Жота 15, Мане 14) и меѓу првите тројца најдобри асистенти сите тројца се нивни (Салах 12 асистенции, Трент Александар-Арнолд 12, Ендрју Робертсон 10). Заслужено се први на табела во Премиер во моментов.

Трката за титулата во хрватската прва лига и натаму е многу интересна. Динамо Загреб е прв со 66 бода, втор е Осијек со 64 бода но и меч повеќе а трет е Хајдук со 59 освоени бода. Вечерва на „Пољуд“ во Сплит одново ќе се одигра вечното хрватско дерби во кое „билите“ ќе се обидат со триумф да ја надоместат предноста на тимот на Стефан Ристовски и Аријан Адеми кои ќе бидат стартери.

„Јас решавам кога ќе сопрам, исто како што решавам дека ќе те удри жолтата топка“, напиша уникатниот Златан.