Со првиов нема од околу, одговара отворено. Вториот па не може да се соочи со реалноста и му работи суетата.

Ова се други времиња со Хари во ФФМ, Цапар на клупа, Шаќири, Величе, Седлоски, Васоски во игра. Мечот се одигра на Градски на 18 август 2004, што значи Горан тука има 21 година и е тазе член на Лацио. Левицата му работи во полна пареа и се загрева за златните мигови кои му следат во долгата блескава кариера.

Репрезентацијата на Холандија во директен дуел со Грција во Атина пред речиси полн стадион успеа да победи со гол од пенал во 90+3’ минута и бодовно да се одлепи од Грците кои имаат и натпревар повеќе.

Се сеќавате ли на бразилската ѕвезда Хернанес, кој направи доста солидна кариера во Италија, посебно во Лацио? Епа се врати во италијанскиот фудбал, ама овој пат поради забава. 

Белгискиот портал Ла Либре пишува дека во терористичкиот напад на булевар Ипре во Брисел загинале две лица, едно од шведска националност, а друго со шведско потекло. Третото лице исто така од шведска националност е во тешка состојба и се наоѓа во болница. На реанимација бил и напаѓачот кој е тешко ранет во престрелка со полицијата.

На гости им дојде аутсајдерот Андора, ама сепак да се помолиме на Господа и тоа на три икони. И тој до него се прекрсти пред мечот кој Романците без проблем го добија со 4:0. Романија на ЕП 2000 стигна до најдобриот пласман во четвртфинале, но од тогаш не се квалификува на три од вкупно пет Европски првенства, вклучувајќи го и последното.

И покрај тоа што веќе се пласираа на Европско првенство уште пред неколку дена, фудбалерите на Португалија немаа милост и ја прегазија Босна и Херцеговина со 0:5 во Зеница. Сите пет гола паднаа во прво полувреме. Роналдо даде два а при резултат 0:4 еден домашен навивач на стадионот „Билино“ во Зеница влетал во терен кон Кристијано но редарите го спречиле во последен момент да стигне до него.

Ај со голот што одлепи, ама погледнете потоа што правеше. До соблекувална трчаше од радост.

Во страшен терористички напад синоќа во Брисел биле убиени двајца шведски државјани кои дошле за натпреварот од квалификации за Европско првенство меѓу Белгија и Шведска, а трето лице е тешко повредено. Познат е и идентитот на напаѓачот кој потекнува од Тунис и кој веќе имал дебело досие.

Пред натпреварот Белгија - Шведска во рамки од квалификациите за Европско првенство 2024, терорист во Брисел убил двајца навивачи на шведската репрезентација и ранил уште еден човек исто шведски државјанин. Натпреварот и официјално беше прекинат на полувреме.

Во 2015-та дадоа гостински гол по пауза од 14 години. Во 2019-та дадоа гол после апстиненција од 803 дена. Кога пред три години врзаа две нерешени по ред (против Гибралтар и Лихтенштајн), еден од репрезентативците на сред интервју плачеше од радост.

Пратеник во германскиот Бундестаг побарал мароканскиот фудбалер од Баерн Минхен, Нусар Мазрауи да биде казнет од клубот и протеран од земјата поради тоа што дал јавна поддршка за Палестина во војната со Израел.

Моментот е мошне непријатен, а мислењата за она што го направи 23-годишниот француски репрезентативец се различни. УЕФА одлучи секој натпревар од квалификациите да почне со минута молк во знак на жртвите од војната меѓу Палестина и Израел, а на мечот Холандија - Франција (2:3) се изразила и почит за убиениот наставник во францускиот град Арес.

И Србите исто како Хрватите губат два меча по ред во европските квалификации и тоа две од Унгарија која е прва во група. Драган Стојковиќ Пикси не можеше да поверува кога виде дека Тадиќ и Павловиќ во една иста акција ја погодија истата статива. Потоа кулминацијата се случи во 93-та минута и шансата на Миленковиќ со глава.

Новак Ѓоковиќ не е единствениот тенисер кој се нервира понекогаш на сред натпревари поради низа причини. Погледнете колку беше бесен Андреј Рубљов за време на финалето на Мастерсот во Шангај, кон еден фоторепортер кој го деконцентрирал бидејќи поминувал во многу важен момент од третиот се. Инаку Хуберт Хуркач го освои турнирот со победа од 2:1.

Македонската фудбалска репрезентација речиси да ги загуби шансите за пласман на ново Европско првенство, со оглед на тоа што изгуби од Украина (2:0) а ја чекаат дуели со најсилните во групата, фаворитите Италија на гости и со Англија дома.

Прво ќе помислиш дека е како недозагреан и недоотрезнет од долгиот летен џумбуз, а после сфаќаш уствари дека ова е он, типичен Никола Јокиќ во игра еден на еден. Во новиот претсезонски меч против Чикаго, овој пат Денвер славеше со 116:102. 15 поени, 9 скока и 5 асистенции за Србинот.

После пропуштеното Светско во Катар, Турците се враќаат на голема сцена, обезбедија пласман на Европско првенство 2024. Откако го поставија Винченцо Монтела за селектор на сред квалификации, Турците ја победија Хрватска на гости со 0-1, синоќа и Латвија со 4-0 и со 16 бода во групата на две гола до крај се сигурно први.

Швајцарија и Белорусија го одиграа најефикасниот и највозбудливиот меч во квалификациите кој заврши 3:3. Швајцарците поведоа во првиот дел со атрактивниот гол на Шаќири, но во вториот дел имаат блекаут и за 23 минути примија три комада. Но на крајот по кој знае кој пат покажаа дека ги краси упорност и со голови во 89-та и 90-та минута стигнаа до важен бод во групата, каде се втори без пораз.

Хрватите по шокот дома од Турција 0:1, синоќа изгубија и 2:1 на гости кај Велс и дополнително ги закомпликуваа работите во групата. Хрватска има 10 бода колку што има и Велс а Турците со 16 бода веќе обезбедија пласман на Евро2024.

Додека се играат квалификации ширум Европа, фудбал има и во домашните втори, трети лиги, пониски дивизии. Во Англија на меч од трета лига меѓу Кембриџ Јунајтед и Шрузбери, домаќините повеле со гол на 35-годишниот висок стопер Мајкл Морисон кој начнал цела одбрана, поминал пет противнички играчи и дал гол за 1-0. На крјаот гостите израмниле 1-1 во 88-ма минута.

Ерлинг Халанд повторно нема да се појави на големата европска сцена со Норвешка, откако синоќа загуби дома од Шпанија во групата А, каде сигурен патник е и Шкотска. Шпанците славеа со голот на Гави, а постигнаа и втор гол, кој ќе беше чист автогол, ако Алваро Мората не направеше неискусен потег. Непотребно ја боцна топката на крај и судијата му го поништи поради офсајд.

Македонија пропушти неколку чисти шанси за да стигне барем до реми со Украина, ама треба и да му се заблагодари на Столе што мечот не заврши 6:0, после оние четири извонредни паради со кои спаси сигурни голови. Во судиското продолжение примивме и втор погодок, а Милевски претходно доби жолт па му се истури на судијата.

На прекрасната „Епет Арена“ во Прага, попладнево пред повеќе од 20.000 гледачи, македонската фудбалска репрезентација не ги искористи бројните шанси и на крајот загуби 2:0 од Украина која се одвои на табелата.