Вардар и официјално ја завери и прослави шампионската титула број 12, прва во последниве шест години. Во последното коло само ја потврди доминацијата оваа сезона и ја растури Шкендија со 3:0, на која и се одлепи со 9 бода. Комити славеа на големо и тоа две ноќи по ред. Им се придружија Милан Лазаревски и Гоце Геогриевски.

Принцот Вилијам е голем навивач на клубот од Бирмингем. Уште од млад ја засакал Астон Вила па ја следи со години на „Вила Парк“. Тој и стотици илјади други навивачи на овој клуб доживеаа да го освои првиот европски пехар после 25 години (во 2001-ва освоија Интертото Куп). Сега стигнаа до трофејот во Лига Европа. Додека се доделуваа медали некој му заѕвонел на британскиот принц. Им спуштил.

Драги Топџии, нема да видите ништо поубаво по интернетов деновиве на тема Арсенал.

Кога ќе видиме какви тезгериња ќе играат за Бразил на Светско првенство (со исклучок на некои добри играчи), носталгично се сеќаваме на едно време кога „кариоките“ имаа вакви мајстори како Ривалдо:

Вака е многу посимпатично отколку со нашине драмолетки деновиве на фудбалско навивачката напната сцена.

Маркетингот на учесниците на Светско им е пуштен на најјако. Сите промотивни видеа со составите на играчите на кои налетавме до сега, се одлично скоцкани и ептен гледливи. На ред е Англија.

Ако треба да се направи избор за најјака одбрана за 2026-та од пенал, огласот за пријавување е затворен. Победник е голманот на Кавасаки Фронтале на мечот против Мачида во јапонската прва лига.

Тотенхем - Евертон и Вест Хем - Лидс се двојките на кои ќе се внимава во недела со почеток од 17 часот. Вест Хем е во голема невоља, бидејќи има само еден начин да се спаси, а тоа е да победи, а нивните градски ривали да загубат. Има и втор, ама нека го заборават.

Јули 2016 - мај 2026. Завршува 10 годишната ера на Пеп на Етихад. Најуспешниот тренер во историјата на Манчестер Сити со 20 трофеи: 6 титули во Премиер лига, 5 Лига Купови, 3 ФА Купови, 3 Комјунити Шилдс, како и по една Лига на шампиони, Светско клупско првенство и Суперкуп на УЕФА. Каталонецот кој направи револуција во клубот, ќе остане и понатаму поврзан со клубот, овој пат во улога на глобален амбасадор, работејќи на специфични проекти и соработки.

Некои поубави, помирни времиња, кога Светско првенство не беше како сега со 48 репрезентации од кои на некои не знаеме да им го изговориме името. Мундијалот 1986 во Мексико е култен, еден од најдобри во историјата. Аргентина стана шампион со Марадона, Германија беше втора а најдобар стрелец беше Гари Линекер со шест гола.

Уште од 1986-та година не се случило вакво нешто. Во репрезентацијата на Англија не е повикан за Светско првенство 2026 баш ниту еден фудбалер на Ливерпул.

Со новото име „Телеком Центар“ прекрасната Арена во Атина викендов ќе биде домаќин на Фајнал Фор борбите за пехарот. Капацитетот за кошаркарски натпревари е 18.500 гледачи, а се очекува најбројни да бидат навивачите на Олимпијакос и Фенербахче. Нешто помалку симпатизери ќе имаат Реал Мадрид и Валенсија.

Уште недочудени од голот кој го примија како во маало, да ти имало уште една смејурија од истиот меч меѓу Расинг и Каракас во Судамерикана. Овој пат со најбавната реакција на играч во ситуација сам на празен гол.

Еден од најгенијалните фудбалери кои овој регион ги изродил, Дејан Савичевиќ кого Берлускони во Милан го завика баш така „Дејо Геније“, вели дека уште жали поради санкциите поради кои како репрезентација на Југославија не отидоа на Европско првенство 1992, Светско првенство 1994 и Европско првенство 1996. Во најдобрите фудбалски години на Савичевиќ, Југовиќ, Мијатовиќ, Пикси Стојковиќ, Бата Мирковиќ, Јокановиќ и многу други... 

Расинг од Аргентина и Каракас од Венецуела одиграа 2:2 во Судамерикана, натпреварување кое е пандан на Лига Европа. Не паметиме дали воопшто сме виделе некој да прими ваков гол. Нереално.

„Соопштението на ФК Шкендија има содржина која претставува навреда за здравиот разум. Парите и богатството не значат имање спортска и општа култура. Недозволиво е раководни структури и поединци да создаваат атмосфера на поделби, провокации и континуирано барање алиби за сопствените неуспеси, неспособност и незнаење“, велат од ФФМ

По четири сезони мина во Саудиска Арабија, Кристијано Роналдо, конечно на 41 година ја дочека првата шампионска титула во друштво на Жоао Феликс, Мане и Брозовиќ. Даде два гола во последното коло, па плачеше од радост и на крај изненади со луда прослава.

Трофејниот Клуб Бриж повторно е шампион на Белгија, по 20-ти пат во клупската историја. Во четвртокот вечер, во 9-то и претпоследно коло од доигрувањето за титула во белгиската Јупилер Про Лига, Клуб Бриж одигра 2-2 на гости кај Мехелен и до последен момент чекаше како ќе заврши дуелот меѓу ривалот за титулата Унион Сен Жилоа и Гент.

Кристијано Роналдо конечно го освои Блискиот Исток и стигна до првата шампионска титула во неговата четврта сезона во Саудиска Арабија, прва за Ал Наср од 2019-та.

Миленко ја утна ептен што објави видео на кое шампионите на Македонија пејат вулгарно против една од најславните македонски пејачки. Но, што правиме сега со свирењето на македонската химна во финале на македонски Куп? Ќе се правиме на будали?

Северна Африка во последниве години импресионира со спектакуларни навивачки изведби. Им завиди цела Европа на кореографиите, скандирања, песни, пиротехника. И нови идеи:

Оклахома Сити Тандер, актуелниот шампион во НБА овојпат го одбрани домашниот терен на вториот натпревар од финалната серија на Западот. Тандер го победија Сан Антонио Спарс 122-113 и израмнија 1-1 во серијата која сега се сели во Тексас. Најефикасен беше МВП-то Шеј Гилџес-Александер со 30 поени, 9 асистенции и 4 скока, но и со некои беспотребни глуми.

Пехарот во масовниот турнир Лига Европа на УЕФА како да е преодреден на Унаи Емери, Шпанецот кој право чуда каде и да отиде. Освои дури 5 рекордни трофеи во ова натпреварување. Сега со Астон Вила која со 3-0 го згроми Фрајбург во финале.

Оклахома му направи брејк на Сан Антонио во финалето на Западот. Рукито Стефон Касл беше прв стрелец во својот тим. Погледнете му го ова лудо „Ол стар“ забивање, а потоа реакцијата на Вембанјама и Реџи Милер.