Пред околу 5.000 гледачи, воглавно македонски навивачи од дијаспората, македонската репрезентација го совлада Лихтенштајн 0-3 (0-2) на гости во Вадуц и ги освои првите бодови на патот низ квалификациите за Светско првенство 2026.

Еден од најголемите боксери во историјата, легендарниот Џорџ Форман починал на 76 години, соопштила неговата фамилија. Форман беше поранешен двократен светски шампион и олимписки златен медалист.

Во 13. коло од квалификациите во Јужна Америка за Светско првенство, во големото дерби Аргентина на гости го совлада Уругвај 0-1 во Монтевидео. Стрелец на голот е 23-годишниот Тиаго Алмада кој игра за бразилски Ботафого. Во отсуство на Меси поради повреда, за Аргентина играа Хулиан Алварез, Џовани Симеоне, Енцо Фернандез, МекАлистер, Паредес и други.

Роналдињо дебитираше за Барселона на пријателска средба против Јувентус во САД, во Масачусетц на 27-ми јули 2003-та. Набрзо, на 3-ти септември 2003-та на натпревар против Севиља во Ла Лига, на „Камп Ноу“ го постигна првиот гол на официјален натпревар. Дебитантскиот погодок за Барса ќе му се памети засекогаш.

Бразил vs Франција. Играчите сè кој од кој. Во фокусот е уметникот со топката.

Актуелниот шампион во НБА, Бостон Селтикс е продаден за сума која е рекордна во историски рамки. А не секој ден најтрофеен клуб во кој било спорт добива нови сопственици, не секој ден актуелен шампион менува сопственик, па затоа ова е голема вест од НБА лигата.

Тиери Анри е идол на многу генерации. Французинот беше чудесен крилен напаѓач кој важеше за еден од најдобрите фудбалери на своето време. Идол му бил и на Сесилио Вотермен, фудбалер од Панама кој со гол во длабоко судиско продолжение, во 90+5' минута од полуфиналето на КОНКАКАФ Лига на Нации ги потопи САД. Американците имаат 3 титули во Лига на Нации КОНКАКАФ но сега испаднаа во полуфинале од Панама.

Данска имаше пенал против Португалија но оној кој го заработи, Кристијан Ериксен го промаши односно португалскиот голман Диого Кошта му го одбрани. Но Данците во вториот дел постигнаа гол, преку играчот на Манчестер Јунајтед Расмус Хојлунд за конечна победа 1:0. Хојлунд го прослави со фамозното „сиииииииууу“ на Кристијано Роналдо пред него.

Турците предводени од Монтела, славеа 3:1 против Унгарија во плејоф средбите од Лига на нации. Обрнете внимание на голот на Керем Актуркоглу. Се местеше да им ја забие со глава, ама на крај со рамо ја пикна.

Бугарија играше квалификации во Лига на нации во Б дивизијата против Ирска и загуби со 1:2. Натпреварот се играше во Пловдив, а на трибина можеше да се забележи порака со сочувство упатена до Македонија каде е прогласена седумдневна жалост за трагедијата со 59 жртви: „Бугарија тагува со вас“. Гест за почит на нашите соседи.

Бразилците сменија неколку селектори и се уште со големи напори стигнуваат до триумфи на патот во квалификациите за Светско првенство 2026. Кариоките ги води ветеранот меѓу тренерите, Доривал Жуниор. Синоќа Бразил ја победи Колумбија 2-1 со гол буквално во последни секунди од мечот, во 90+9-та минута од судиско продолжение на Винисиус Жуниор.

Сензацијата пукна во КОНКАКАФ Лигата на нации, каде Панама го елиминираше САД и тоа на гости со голот на Сесилио Вотермен во судиското продолжение. Стрелецот на голот му се фрли на Тиери Анри и му викаше в лице: Ти си мојот идол. Потоа му се придружија и другите во лудото славје. Француската легенда беше дојден во својство на стручен коментатор.

Хрватска дефинитивно нема балкански менталитет. Таа не размислува како да и парира на Франција, една од најмоќните селекции во светот која заврши прва и втора на последните два Мундијали, туку излегува на терен и ја победува.

Лига на нации се врати после долго време. Се играа мегдан дуели уште во четртфинале, за пласман на завршниот турнир каде ќе се решава победникот. Во Милано Германија после пресврт ја совлада Италија во европскиот класик. Во Ротердам Шпанија извади 2-2 со гол во последни секунди, во Сплит Хрватска го урна светскиот вицешампион.

Холандија одигра 2:2 против Шпанија во Лига на нации откако прими гол во 93-та минута. Домашните навивачи имаа доста интересен изум на трибина. Ги наредија великаните, почнувајќи од Јохан Кројф, Рајкард, Гулит, Клајверт, Куман, Ван Бастен, Нистелрој, Бергкамп, Робен...а во предeн план е Ван Перси со оној незаборавен гол со глава на Мундијалот 2014. Холанѓаните ја торпедираа Шпанија на тој дуел со 5:1.

Синоќа се одиграа бројни натпревари од Лига на Нации. Се одиграа четвртфинални дуели, а имаше и натпревари од баражот за опстанок во дивизиите или пласман погоре. Во Виена Австрија и Србија одиграа 1:1. Австријците први поведоа со 1-0 со прекрасниот гол на Грегорич во 37-ма минута а одличен резултат пред реваншот во Белград во недела на Србија и донесе фудбалерот на Аталанта Лазар Самарџиќ со исто така прекрасен погодок.

Хрватска ја доби Франција на првиот плејоф дуел од Лига на нации со 2:0. Килијан Мбапе се обиде да глуми пенал, ама доби лекција од својот 13 години постар клупски колега.

Фудбалерот на Милан и капитен на САД, Кристијан Пулишиќ и познатиот глумец Вил Смит, пред натпреварот од полуфиналето на КОНКАКАФ Лига Нации меѓу САД и Панама, решиле да се пробаат на мало голче. Полуфиналните дуели САД - Панама и Канада - Мексико се играат на „Софи Стадион“ во Лос Анџелес.

На дечкиве им успеало. Никој ништо не ги прашал. До ВИП простории стасале.

Иако има 25 години, Мозес Браун смени повеќе екипи во НБА. Ама стилот и техниката на изведување слободни фрлања не ги дава. Битно ги гаѓа.

Вечерва ќе се игра новиот формат од нокаут фазата во Лига на нации. За првпат ќе се одиграат четвртфинални двомечи а победниците од тие натпревари ќе одат на завршниот турнир. Ќе има дури осум четвртфинални средби.

Тиквеш не го заборава Андреј Лазаров кој остави траг во кавадаречкиот тим.

Се работи за седуммина напаѓачи кои заедно ја сочинуваат статистиката од насловот оваа сезона во своите клубови. Дезире Дуе (19) ПСЖ, Коло Муани (26) Јувентус, Осман Дембеле (27) ПСЖ, Бредли Баркола (22) ПСЖ, Маркус Турам (27) Интер, Килијан Мбапе (26) Реал Мадрид и Мајкл Олисе (23) Баерн Минхен. Половина од головите се на Мбапе и Дембеле. Инаку во плејофот од Лига на нации имаат двомеч против Хрватска. Првиот натпревар го играат вечерва од 20:45 на гости, а реваншот е во недела.

Со растреперен глас и видно вознемирен, дефанзивецот на македонската фудбалска репрезентација даде куса изјава пред првиот квалификациски меч против Лихтенштајн на гости, во сабота со почеток од 15 часот. „Знам дека тие би сакале да продолжиме и да се бориме за нашата земја“, вели Манев.