Параолимпијадата во Париз и покажа на јавноста колку извонреден и премногу често игнориран овој спорт кога го играат лица со посебни потреби.
Фудбалот со слепи лица или поточно фудбалот на Б1 „5-a-side soccer“ покажува дека спортистите со оштетен вид се способни да користат извонредна просторна свест, како и брзина, прецизност и техника.
Како и сите дисциплини со слепи луѓе или луѓе со оштетен вид, така и овој спорт е регулиран од Меѓународната федерација за спортови на слепи (IBSA), основана во Париз во 1981 година. Еве како функционира.
Б1 фудбалско игралиште
Постои разлика помеѓу фудбалот Б2/3, кој вклучува луѓе со оштетен вид и фудбалот Б1, во кој повеќето играчи се целосно слепи. Параолимпијадата го вклучува само вториот.
Фудбалот Б1 се игра на правоаголен терен, долг 40 и широк 20 метри. По должината на теренот има табли високи од 1 до 1,3 метри кои спречуваат топката да излезе од терен.
Играчи
Секој тим се состои од четворица играчи (сите мора да се слепи и да носат маска) и голман (со оштетен вид), кој мора да остане во својот шеснаесетник длабок 2 метри, но може да им дава насоки на соиграчите кога се бранат.
Меѓутоа, кога играат во напад, играчите добиваат насоки од човек кој не е слеп и кој се наоѓа зад противничкиот гол. Кога топката е во средина, тренерот е тој што може да му даде насоки на својот тим. За разлика од традиционалниот фудбал, тука не постои офсајд, што ја одржува играта да оди брзо.
Топката и тишината
Неопходно е, освен голманот, човекот зад гол и тренерот кој дава насоки, во текот на играта никој друг да не зборува. Бидејќи само звучно може да имаат играчите осет за тоа каде се движи топката. Од гледачите се бара целосен молк за да не ги вознемируваат играчите, кои мора да се потпрат на нивниот слух, како на пример кога еден од играчите им сигнализира на другите дека прави акција кон противникот. Публиката може да навива само откако ќе падне гол.
Должина на натпревар
Секој фудбалски натпревар Б1 „5-a-side soccer“ е поделен на две полувремиња од по 20 минути, со пауза до 10 минути.
Историјата на спортот
Првите натпревари во фудбал за слепи се одржале во Јужна Америка, а пионер бил Бразил. Всушност, првиот шампионат од оваа дисциплина се одржал во 1980 година и откако е воведен како спорт, Бразил секогаш го освојувал златниот медал. Потоа се проширил во Европа, а првото Европско првенство е забележано во Шпанија во 1986 година.
Од 2004 година, односно од Олимписките игри во Атина официјално е вклучен како дел од Параолимпијадите. Во Париз, машкиот турнир се одржува на привремен терен изграден под Ајфеловата кула.
