Навивачка од глупост направи страшен хаос на Тур де Франс

Култната и најпозната велосипедска трка на светот, Тур де Франс за разлика од претходното издание, овојпат се вози со гледачи. На стартот се случи голема хаварија за која е крива една девојка.

Како и многу други гледачи, така и една девојка од страна држеше плакат со натпис Allez Omi/Opi (германски израз на нежност кон дедо и баба).

Девојката во еден момент реши да се симне на самиот пат за да се слика додека велосипедистите проаѓаат и да влезе во кадар на камерите кои вршеа пренос.

Ама Германецот Тони Мартин не успеа да ја избегне и падна, а неговиот пад испровоцира страшна верижна реакција зад него: десетина велосипедисти паднаа, а се спасија само оние кои во моментот беа пред Мартин.

„Ја видов како излезе со банерот но немав ни место ни време да ја избегнам. Каква глупост. Имам повреди ама мислам дека ќе го продолжам Тур де Франц“, изјави Тони кој прв падна поради девојката во 25 минута од првата етапа. Дури 21 учесник побарал итна медицинска помош. Имало и потешко повредени. Марк Солер кој заврши последен на првата етапа имал неколку сериозни скршеници на двете раце.

 
28 јуни 2021 - 09:55

Штета ако сте пропуштиле

Ману во лудница

Што е тоа во човечкото бивање, што го тера на скитање

Туризмот во Кочани

Видео составувалка