Во море новогодишни сијалички и жолто-црни бои на Борусија Дортмунд, 73.500 навивачи на славниот германски клуб ја продолжиле убавата традиција да се пејат Божиќни песни и да се собираат средства за хуманитарни акции на фондацијата на Борусија.
Цел стадион ги следел музичарите и хорот Schauinsland-reisen кој од сцена ги поведувал песните.
Многу деца и млади ги исполниле трибините и пееле традиционални божиќни песни (во Германија Божиќ се одбележува на 25-ти декември). Се пееле познати песни како In der Weihnachtsbäckerei („Во Божиќната пекара“) и Lasst uns froh und munter sein („Да сме весели и среќни“).
More than 70,000 people singing Jingle Bells > 🎶🥰 pic.twitter.com/PE1k4hELKi
— Borussia Dortmund (@BlackYellow) November 30, 2025
Имало и емотивен пресврт па познатата Мари Доминијак сите ги наежила со изведбата на песната „Leuchte auf, mein Stern Borussia“ („Свети моја ѕвездо Борусија“) и познатата фудбалска химна „You’ll Never Walk Alone“ која навивачите на Дортмунд ја пејат еднакво емотивно како оние на Ливерпул на „Енфилд Роуд“.
Се отпеале вкупно 16 песни, а свечено украсената Арена ја распеале и Александар Клавс и Ивон Катерфелд.
It’s officially Christmas season. 🎅🎄🎶 pic.twitter.com/yBmgHjknqp
— Borussia Dortmund (@BlackYellow) November 30, 2025
Како и обично, голем дел од приходите и оваа година ќе биде наменет за друштвените и заеднички хуманитарни цели на Борусија Дортмунд. Ќе се користат во Центарот за школување на Борусија, во уличната фудбалска лига Нордштадлига во Дортмунд, за фондот за помош на медиумите Ленсинг и други потреби.
