Offside › Набрзинка

Ниту една македонска ТВ-куќа не се заинтересирала за Шкупи – Динамо

25 јули 2022

Во вторник од 21 часот македонскиот првак по ремито 2:2 во Загреб, го пречекува хрватскиот шампион Динамо Загреб на реванш средба од 2. коло во квалификациите за Лига на шампиони.
ТВ правата за овој пренос ги имал клубот од Чаир но ниту една телевизиска куќа од Македонија не била заинтересирана да го прикажува натпреварот од „Тодор Проески“ Арената.
Неофицијално Шкупи за тв правата барал 15-20.000 евра, а највисоката понуда која досега им дошла изнесувала нешто помалку од 9.000 евра за пренос. Истиот ќе оди на албанската СуперСпорт на вториот канал, а најверојатно е дека пренос нема да има ниту за хрватската публика.

извор

Скопје добива нов и супер модерен објект

9 јуни 2026

За 11-ти јуни (четврток) од 10 часот е закажано свечено отворање на новиот спортски објект, салата „Расадник“ во општина Кисела Вода која е комплетно и целосно реновирана и реконструирана.
Во рамките на свеченото отворање ќе има спортски фестивал, средби со спортски легенди и актуелни шампиони, свечена церемонија како и ревијален натпревар меѓу македонскиот ракометен шампион РК Вардар и РК Вардар ветерани.
Реконструираната сала претставува една од најзначајните спортски инвестиции во главниот град во последните години и во иднина ќе биде центар за развој на спортот, рекреацијата и младинските спортски активности. За посетителите е подготвена богата целодневна програма која ќе вклучува спортски демонстрации, дружење со познати македонски спортисти и репрезентативци, како и можност за разгледување на новите капацитети на салата.
Во рамките на настанот ќе се реализираат спортски фестивал со презентации на повеќе спортови, средби со спортски легенди и актуелни шампиони, свечена церемонија на отворање, како и ревијален натпревар меѓу актуелниот македонски ракометен шампион РК Вардар и екипата на РК Вардар Ветерани. Посебно внимание е посветено и на најмладите посетители, за кои ќе бидат организирани детски и забавни содржини во специјално подготвена зона.

извор

Властите во САД го држеле капитенот на Ирак 7 часа на информативен разговор

7 јуни 2026

Меѓу бројните симпатични вести кои доаѓаат со пристигнувањето на репрезентациите на Светско првенство, стигнуваат и некои помалку пријатни.
Ирак обезбеди пласман на Светско со победа над Боливија во таканаречениот интерконтиненателн бараж кој се одржа на крајот од март во мексиканскиот град Монтереј.
Но како и што се очекуваше властите во САД почнаа да ги тортурираат фудбалерите од Ирак а веројатно наскоро и оние од Иран.
Египетскиот сајт Кора плус пренел изјава од лице од Олимпискиот комитет на Ирак дека 30-годишниот капитен на репрезентацијата Ајмен Хусеин бил задржан и испитуван од аеродромските служби цели седум часа на аеродромот во Чикаго.
Токму Ајмен Хусен го постигна решавачкиот историски гол за Ирак против Боливија за пласман на оваа репрезентација на Светско првпат после цели 40 години!
Во меѓувреме и официјалниот фотограф на репрезентацијата, Талал Салах бил задржан повеќе од 10 часа на аеродромот. Му биле прегледувани телефонот и фотоапаратите и на крај одбиле да му дадат дозвола да влезе во САД после што морал да биде депортиран назад.
Ирак е во тешка група на Светско со Франција, Норвешка и Сенегал.

извор