Offside › Набрзинка

Јувентус има нов тренер, навивачите не му ја сакаат тетоважата ни минатото

29 октомври 2025

Поранешниот селектор на Италија, тренер на Рома и на Наполи со кој освои шампионска титула денес ќе биде промовиран во нов предводник на Јувентус.
По дури 9 натпревари по ред без победа, нешто што на Јуве не му се случило никогаш во историјата, отказ доби Хрватот Игор Тудор. Тој беше наследник на Тиаго Мота пред крајот на минатата сезона.
Лучано Спалети е еден од најискусните италијански тренери. Во Серија А водел екипи на 559 натпревари и има: 288 победи, 132 нерешени и 139 порази. Освоил 996 бода.
Најтрофејниот италијански клуб Јувентус ќе биде негов деветти клуб во Серија А во тренерската кариера. Досега ги водеше Емполи, Сампдорија, Венеција, Удинезе, Анкона, Рома, Наполи, Интер и сега Јуве. Освои шампионска титула и со Зенит во Русија каде беше многу обожаван. Со Наполитанците освои шампионско скудето на убедлив начин, тие го засакаа а тој им возврати со тетоважа од освоениот пехар со Наполи и годината.

Лучано Спалети, тајната приказна на еден гениј (1 дел)

Лучано Спалети, тајната приказна на еден гениј (2 дел)

извор

Толку од Карик

12 ноември 2026

И официјално, Мајкл Карик повеќе не е тренер на Манчестер Јунајтед. Неговиот мандат заврши тажно, како последница на очајната форма на клубот оваа сезона.
Поранешниот играч на Манчестер ја презеде улогата минатата сезона, првично како привремен тренер, по заминувањето на Рубен Аморим. Го однесе Јунајтед до третото место и по пауза од две години го врати во ЛШ.
Потоа доби постојан ангажман. Но, тимот го доживеа најлошиот старт сезонава со бедни 8 бода во зоната на испаѓање. Единствениот триумф во Премиер лигата им е против Ипсвич и тоа во август.
Сега фокусот се префрла на неговиот наследник, кој наверојатно ќе биде Маурисио Покетино, со кој наводно преговорите се во завршна фаза.

извор

Пуштени во продажба билетите за градското дерби Вардар - Алкалоид

11 ноември 2026

Љубителите на ракометот од денеска можат да обезбедат билети за претстојното скопско дерби меѓу Вардар 1961 и Алкалоид, кое ќе се одигра во Т-Арена, односно СЦ „Борис Трајковски“. Билетите се продаваат по единствена цена од 300 денари. Билети за натпреварот можете да набавите тука.
Од клубот информираат дека местата во салата нема да бидат нумерирани, па навивачите ќе можат да го изберат блокот од кој ќе го следат натпреварот. Навивачката група „Комити“ ќе биде сместена во блокот 1, додека за гостинските навивачи е предвиден блокот 15.
За сезонците ќе бидат резервирани централните блокови 3 и 13. Сепак, тие ќе имаат можност, доколку сакаат, да го следат дербито и од кој било друг блок во салата. Навивачите кои ќе купат поединечни билети ќе можат слободно да изберат каде ќе седат, со исклучок на блоковите 3 и 13, кои се резервирани за сопствениците на сезонски билети.
За влез во салата ќе биде отворен главниот влез, кој се наоѓа од страната на големиот паркинг. Градското дерби се игра во сабота, 14 ноември, со почеток во 18:30 часот

извор