Offside › Набрзинка

Јувентус има нов тренер, навивачите не му ја сакаат тетоважата ни минатото

29 октомври 2025

Поранешниот селектор на Италија, тренер на Рома и на Наполи со кој освои шампионска титула денес ќе биде промовиран во нов предводник на Јувентус.
По дури 9 натпревари по ред без победа, нешто што на Јуве не му се случило никогаш во историјата, отказ доби Хрватот Игор Тудор. Тој беше наследник на Тиаго Мота пред крајот на минатата сезона.
Лучано Спалети е еден од најискусните италијански тренери. Во Серија А водел екипи на 559 натпревари и има: 288 победи, 132 нерешени и 139 порази. Освоил 996 бода.
Најтрофејниот италијански клуб Јувентус ќе биде негов деветти клуб во Серија А во тренерската кариера. Досега ги водеше Емполи, Сампдорија, Венеција, Удинезе, Анкона, Рома, Наполи, Интер и сега Јуве. Освои шампионска титула и со Зенит во Русија каде беше многу обожаван. Со Наполитанците освои шампионско скудето на убедлив начин, тие го засакаа а тој им возврати со тетоважа од освоениот пехар со Наполи и годината.

Лучано Спалети, тајната приказна на еден гениј (1 дел)

Лучано Спалети, тајната приказна на еден гениј (2 дел)

извор

Конте му даде само 5 минути на Елмас па го испофали, а сака и да биде пак селектор

7 април 2026

Со голот на италијанскиот репрезентативец Матео Политано во 78' минута Наполи го совлада Милан 1-0 и го прескокна на 2. место на табелата во Серија А. Интер е прв со 72 бода, Наполи е втор со 65 бода, Милан е трет со 63 бода.
Тренерот на Наполитанците Антонио Конте после мечот задоволен од победата бил во добро расположение. Зборувал меѓудругото за Елмас на кого синоќа со Милан му даде само 5 минути од клупата за резерви а во претходно коло не го ни стави во игра откако се вратија повредените играчи како Де Брујне и другите.
„Задоволен сум од работата на поединци. Мислам тука на Елмас кој денес влезе на 5 минути пред крај и беше меѓу најдобрите поединци на мечот, но и на Маѕоки и Беукема. Неверојатно голема работа завршија“, рекол Конте.
Во италијанскиот печат на големо се зборува и дека тренерот на Наполи би можел да се врати на клупата на репрезентацијата на Италија наскоро. Дали паралелно со Наполи или самостојно останува да се види во јуни.
„Јас би се зел себеси во предвид да бев претседател на Фудбалската федерација на Италија. Сигурно меѓу другите имиња би го имал и Конте како кандидат поради многу мотиви. Го познавам амбиентот (во репрезентацијата), бев селектор две години. Голем мотив е да се претставува својата земја. Но знаете каква е мојата ситуација. Знаете дека имам договор. Знаете дека ќе зборувам со претседателот, знаете се“.

извор

Капитенот на Работнички игра во животна форма и е најдобар играч во лигата

7 април 2026

Капитенот на најтрофејниот кошаркарски колектив во земјава, Виктор Ефремовски ја игра најдобрата сезона во својата кариера, а парадоксално екипата се бори за опстанок во лигата.
Црвено-белите наместо да се борат за врвот, играат за гол опстанок и да спречат историски срам за првпат да испаднат во втора лига.
27-годишниот Гостиварец Виктор Ефремовски на последните шест натпревари постигнал 177 поени или во просек безмалку по 30 поени по натпревар.
Во 22 кола Ефремовски има просек од 22 поени по натпревар што е верувале или не најдобар учинок во историјата на македонското првенство. Најблиску до него е Александар Костоски кој во 2012 беше импресивен со по 21,7 поени по натпревар.
Најдобриот кошаркар на Работнички од почетокот на сезоната нема ниту еден натпревар од 22 кола на кој не бил двоцифрен. Тој постави и свој личен рекорд со дадени 50 поени на натпреварот против Маџари.

извор