- Прославениот хрватски скијач Ивица Костелиќ во понеделникот вечер близу црногорскиот приморски град Улцињ бил спасен во морето откако него и еден француски државјанин со кого возеле кајак, ги одувал ветер и страшни високи бранови.
- Костелиќ и Французинот биле извлечени од морето после неколку часа по интервенција на црногорската морнарица со патролни чамци за брза интервенција и со хеликоптерска поддршка.
- Вардар и Милан Лазаревски ја продолжија соработката на уште две сезони, што значи дека македонскиот репрезентативец останува до 2028-ма.
- Лазаревски е дел од Вардар од 2022 година, кога се врати во Македонија од словенечниот тим Тримо Требње.
- „Со продолжувањето на договорот, Вардар задржува играч кој веќе се профилираше како еден од столбовите на тимот на пивотменската позиција и кој со својот карактер, работна етика и однос кон клубот претставува пример за младите ракометари“, стои во дел од соопштението на црвено-црните.
- Македонската ракометна репрезентација денес напладне го имаше првиот собир во Скопје, како знак за почеток на подготовките за Евро 2026 кое се игра во Данска, Норвешка и Шведска.
- Македонските ракометари се во група со домаќинот Данска со која го отвораат Европското првенство во Хернинг, со Португалија и Романија. Македонија на континенталниот собир ќе настапи во група со домаќинот Данска (16 јануари), Португалија (18 јануари) и Романија (20 јануари).
- „Може да кажам дека ЕП е дури и поквалитетно од СП, така да имаме што да атакуваме. Нема да се жалиме, групата е таква каква што е, не можевме да добиеме поквалитетна група кога сме во трет шешир, прашање беше само дали ќе ја добиеме Данска, Франција или Германија. Го имаме од првиот шешир светскиот и олимписки шампион, од вториот шешир ја добивме Португалија која на последното првенство играше полуфинале и се бореше за медал. Трет ривал е Романија. Спортски е да се надеваме, да се бориме, да го дадеме најдоброто од нас. Ќе имаме квалитетни подготовки овозможени од РФМ да се спремиме“, изјави меѓу другото селекторот Кире Лазаров на почеток на подготовките.
