Offside › Набрзинка

Барселона - Осасуна е одложена поради смртен случај во стручниот штаб на Барса

8 март 2025

Дуелот од 27. коло Барселона - Осасуна кој требaше да се игра подоцна попладнево е одложен поради тоа што неколку часа пред натпреварот починал докторот на првиот тим на Барселона, Карлес Мињаро Гарсија.
Фудбалерите и стручниот штаб на Барселона биле длабоко потресени од ненадејната смрт на докторот во стручниот штаб, а информацијата им ја соопштил претседателот Жоан Лапорта кој претходно се консултирал со главниот судија и делегатот на мечот околу одложување на натпреварот.
Во исто време фудбалерите на Осасуна веќе се загревале на теренот на стадионот во Монжуик кога и ним им соопштиле дека натпреварот нема да се одигра во предвидениот термин.

30 октомври 2026

На потегот од Попова Шапка до Титов Врв на Шар Планина се поставени нови ознаки и патокази кои беа оштетени во август годинава, информираат од службата за односи со јавност при „Славков проект – Обележување на планинарски патеки во Македонија“, поддржан од амбасадите на Австрија, Чешка и Словачка.
Од „Славков проект“ информираат дека по промоцијата следува и промотивно планирање со локални планинарски организации (повеќето од нив партнери во проектот), како и љубители на природата.
„Групата ја предводеа локални планинари, заедно со врвниот чешки алпинист Марек Холечек – добитник на престижната награда ‘Златен цепин’ (Piolet d’Or) во два наврати и специјален гостин на тековниот филмски фестивал ‘EХO’ во Скопје“, се вели во соопштението.

30 октомври 2026

Шампионот на Македонија, МЗТ Скопје Аеродром објави дека ја заврши соработката со досегашниот тренер Васко Атанасов. Оваа одлука доаѓа по серијата порази, од кои последниот од Струмица во Суперлигата на Македонија
Клубот соопшти дека соработката е раскината спогодбено со договор на двете страни. Од МЗТ му се заблагодарија на Атанасов за сработеното во клубот.
Васко Атанасов беше на чело на „штрковите“ од 2023 година кога седна на клупата и со доста успех го водеше тимот. Тој стана најмладиот стратег кој го освои пехарот во македонската кошарка, четири пати беше национален првак, а освои и по три Куп и Суперкуп-трофеи.