Се венчаа среде натпревар на Далас Маверикс, пред публика, пред играчи

Од спортските арени во САД веќе ретко што изненадува. Сме виделе секакви видови камери за навивачи, брачни понуди на натпреварите, маскоти кои прават циркус, но венчавка на меч од НБА дефинитивно се гледа за првпат.

НБА франшизата Далас Маверикс му дозволила на овој пар да направи венчална церемонија на полувреме од мечот Далас - Минесота Тимбервулвс. Дошол и свештеник кој ги венчал младите на сред паркет каде го заиграле и првиот танц пред публика, а на видео-бимовите одеа честитки од играчите на Маверикс.

Hello Twitter 👋🏻

A lot of people are watching the @dallasmavs to see Kyrie’s first home appearance.

But so y’all know—a freaking FULL-BLOWN wedding just happened mid-court during halftime the night before Valentine’s Day.

The groom, Reid Malone, proposed at a game in 2021🏀 pic.twitter.com/AnkYERiROR
— Matt Howerton (@HowertonNews) February 14, 2023

Што се однесува до самиот натпревар, Далас изгуби од Минесота 124-121 и покрај тоа што тандемот Кајри Ирвинг и Лука Дончиќ по вторпат одигра заедно.

Лука уфрли 33 поени со 12 скока и 6 асистенции а Ирвинг беше најефикасен со 36 поени, 5 скока и 6 асистенции. Маверикс се во блага криза со оглед на два порази по ред (Сакраменто и Минесота) и во моментов имаат учинок од 31 победа и 28 порази.