Никола Јокиќ го оствари 168-от трипл-дабл во кариерата откако за 37 минути на паркетот постигна 35 поени (12/29 од игра) со 22 скока и 17 асистенции и две блокади.
Никола Јокиќ на крајот од третиот период, во последна секунда од третата четвртина постигна и нестварен кош буквално од својот кош. Вакво нешто ретко се гледа и на тренинг а камоли на натпревар во НБА.
NIKOLA JOKIĆ EVERYONE HE IS THE BEST IN THE WORLD https://t.co/8JM7O2ENgD pic.twitter.com/CH6EHNQTq2
— Denver Nuggets (@nuggets) January 24, 2025
Овој учинок беше воедно и петти трипл-дабл по ред во серија на српскиот репрезентативец. Тој имаше огромна поддршка од Кристијан Браун кој уфрли 21 поен и од Мајкл Портер-Џуниор кој даде 20 поени со 8 скока. Џамал Мареј додаде 18 поени со шест скока и пет асистенции а исто 18 поени постигна и ветеранот Расел Вестбрук.
And with that... another triple-double for Joker before the fourth quarter pic.twitter.com/oM51Unub63
— Denver Nuggets (@nuggets) January 24, 2025
Кај Кингс Демар Дерозан стигна до 24 поени а Домантас Сабонис имаше исто квалитетен натпревар со 23 поени, 19 скока и осум асистенции.
Ова беше 28-ма победа во 44 меча на Денвер Нагетс сезонава. Ја забележаа и четвратата победа во серија и сега во моментов се четврти на табела во Западна конференција а Сакраменто е осми.
Во следното коло екипата од Колорадо ќе гостува кај Минесота Тимбервулвс а Сакраменто Кингс ќе игра кај Никс во Њујорк.
