„Ме заболе за Леброн, тој е стар“

Мемфис Гризлис го совлада ЛА Лејкерс 103:93 и израмни 1-1 во првото коло од плејофот. Во отсуство на нивниот најдобар играч Џа Морант кој има повреда на раката, Мемфис се потпре на Џарен Џексон, Ксавиер Тилман, Дезмонд Бејн и Дилон Брукс.

Токму дваесет и седум годишниот Канаѓанец Дилон Брукс кој постигна 12 поени и имаше 3 асистенции со 1 скок, во два наврати грубо му се внесуваше на Леброн Џејмс во лице после постигнат кош.

После мечот на новинарско прашање за дуелите со најдобриот стрелец на сите времиња во НБА, Брукс изјавил дека имале размена на зборови а Леброн во еден момент му рекол „Глуп си што доби фаул за тоа“. „Гајле ми е, тој е стар“, рекол Брукс.