Во мошне неизвесен натпревар против Мемфис Гризлис до самиот крај, во „Крипто Арена“ во Лос Анџелес, Лејкерс прво губеа со 11 поени разлика, набрзо стигнаа до израмнвуање а во самиот финиш домаќините беа пофокусирани и победија 120:114.
Лука Дончиќ беше импресивен со 36 поени, 9 скока и 8 асистенции. Малку му фалеше до трипл-дабл но и покрај тоа покажа дека е сериозен кандидат за МВП наградата на регуларната сезона, особено сега во ситуација кога фаворитот број 1 Никола Јокиќ е повреден и ќе отсуствува околу 3-4 недели.
Леброн Џејмс беше супер расположен и во победата на Лејкерс уфрли 26 поени со 10 асистенции, Џејл Ларавија додаде 26 поени исто како Леброн а Диандре Ејтон го заврши дуелот со 15 поени.
Кај Мемфис Гризлис Џејлен Велс запиша 23 поени, Седрик Кауард имаше 16 поени а Џок Лендејл додаде дабл-дабл со 13 поени и 10 скока.
Џа Морент, лидерот на Мемфис ја пропушти и оваа средба, 15-та за него пропуштена од почеток на сезоната.
