Кошаркарот кој беше голем миленик на македонската публика и идол на навивачите на белградски Партизан кого со неверојатни партии го однесе на Фајнал Фор од Евролига 2010 во Париз, го сакаа каде и да играше.
Бо беше препознатлив по сјајните влезови, дриблинзи, поени и асистенции.
Играше уште и за Сиена Монтепаски, Фенербахче, Баерн Минхен, Лимож, Гран Канарија и Сарагоса. Мекејлеб сега тргнува во тренерски води и како што обично бива, занаетот „ќе го пече“ преку најмладите категории. Поставен е за тренер на деца до 14 години во тимот на Зомби во САД.
Зомби Универзитет е непрофитна организација и кошаркарската програма е фокусирана на развој на младите. Станува збор за хуманитарна организација за деца помеѓу 12 и 17 години.
