Како ли ќе изгледа сега тоа со Дончиќ?

Лука Дончиќ го пропушти и третиот меч по ред поради повреда. Неговите Далас Маверикс играа против ЛА Клиперс на гости и победија 110-104. На овој меч за Мавси дебитираше суперѕвездата Кајри Ирвинг кој неколку часа претходно дојде од Бруклин Нетс како огромно засилување за Далас пред плејофот. Ќе биде интересно да се види каков ќе биде односот меѓу Кајри и Лука со оглед на тоа што и двајцата сакаат што повеќе топка во свои раце, знаат да бидат незгодни во односот и експлозивни во реакциите.

Кајри Ирвинг уфрли 24 поени со 4 скока и 5 асистенции на своето деби и тоа против ЛА Клиперс на гости во „Крипто Арена“.

Далас ја прослави својата четврта победа на последните пет меча и сега сите го чекаат дебито на тандемот Дончиќ-Ирвинг кој би може да се случи најрано во петок или во сабота кога Маверикс играат два меча против Сакраменто Кингс.

Ирвинг после мечот срдечно се поздрави со некогашниот светски боксерски шампион Флојд Мејведер, со Лука Дончиќ и со газдата на Маверикс, Мајк Кјубан.