Во првото полуфинале на Мундобаскетот, попладнево Србија ја совлада Канада 95:86 и обезбеди пласман во големото финале каде ќе го чека подобриот од САД - Германија.
Со гранитна одбрана избраниците на Светислав Пешиќ ги сопреа НБА ѕвездите Шаи Гилџес-Александер, Дилон Брукс и Кајл-Александер. Уште од самиот старт на мечот српската селекција играше неверојатно во дефанзива и сигурно рутинерски во нападот.
It's his world, we're just living in it.#FIBAWC x #WinForSrbija 🇷🇸 pic.twitter.com/KqmHGjdunG
— FIBA (@FIBA) September 8, 2023
Првиот период Србија го доби 23-15 благодарение на поените на Милутинов и Богдановиќ. Канада уште од старт влезе во проблем со прекршоците па тоа дополнително внесе нервоза кај Канаѓаните кои претходно „во расправа“ со судиите ја фрлија Словенија во 1/4 финале.
Во втората четвртина Србија го одржуваше водството, а фуриозната игра во напад го примора селекторот на Канада Жорди Гомез да бара тајм-аут.
A determined Bogi is the scariest player on Earth 🤯
— FIBA Basketball World Cup 2023 🏆 (@FIBAWC) September 8, 2023
He finished the first half with 15 PTS, 2 REB 3 AST on 83% FG 🔥#FIBAWC x #WinForSrbija 🇷🇸 pic.twitter.com/d7fbMwK7q9
Богдановиќ, Добриќ, Милутинов и Гудуриќ погодуваа од сите агли и Србите чија цел беше евентуален пласман на Олимписки Игри наеднаш се најдоа во ситуација да ја доминираат Канада која сите ја гледаа како нов светски шампион.
Aleksa Avramovic. That's it. That's the tweet.#FIBAWC pic.twitter.com/Ch43mMuQfc
— FIBA Basketball World Cup 2023 🏆 (@FIBAWC) September 8, 2023
На полувреме 52-39 за Србија.
Во вториот дел екипата од Северна Америка тргна на се или ништо и се обиде преку лидерот на целиот Мундијал Шаи Гилџес-Александер да се врати резултатски. Ја добија Канаѓаните третата четвртина со 24:23 но тоа не ја размрда селекцијата на Србија која упорно играше беспрекорно дисциплинирана одбрана.
Последниот период беше пресликан како и тој пред него. Канада со брзи продори на Гилџес-Александер пробуваше да фати приклучок но секој обид им беше сопрен од ривалот кој играше во транс.
На крајот конени 95:86 и историски триумф на Србија за ново светско финале!
"One more, job's not finished." ☝️#FIBAWC x #WinForSrbija 🇷🇸 pic.twitter.com/E1ZCoJdXCO
— FIBA (@FIBA) September 8, 2023
Bogdan, The Creator#FIBAWC x #WinForAll pic.twitter.com/S7KkF2YhyK
— FIBA Basketball World Cup 2023 🏆 (@FIBAWC) September 8, 2023
Бодан Богдановиќ повторно одигра генијален баскет, беше вистински лидер, капитен и најефикасен со 23 поени, додека веднаш зад него беа Никола Милутинов со 16 поени и 10 скока и Огњен Добриќ со 16 поени. Ар-Џек Берет со 23 поени беше прв стрелец кај Канада.
