Загатките кои традиционално ги прави Мишко Ражнатовиќ на Твитер тешко се гаѓаат, па така беше и сега кога пред клубовите да објават, тој го потврди враќањето на Перо Антиќ во Црвена Звезда.
Зборуваме за поранешниот адвокат на мафијашот Кристијан Голубовиќ кој има направено околу 1.000 трансфери во кариерата и кој од македонските кошаркари ги застапува и Војдан Стојановски, Јован Костовски и Предраг Самарџиски.
Setajuci Kalemegdanom u sumrak, zapazio sam novog detlica u krosnji drveta! Nekako mi je poznat,kao da sam ga vec vidjao tu pre puno godina
— Misko4Raznatovic (@MiskoRaznatovic) September 11, 2017
„Додека се шетав на Калемегдан во мрак, здогледав еден клукајдрвец во куќичка на дрво. Некако ми е познат, како веќе да сум го видел тука пред многу години“, напиша Ражњатовиќ.
Перо Антиќ потпиша едногодишен договор за клубот кој го има истетовирано и за кој никогаш не ја криел љубовта. Дресот на Црвена Звезда го носеше од 2005-та до 2007-ма и со него го освои националниот Куп.
Неговиот кам бек во Белград беше објавен и на еден од Фејсбук профилите на Звезда, заедно со Марко Кешељ, исто така поранешен нивни играч кој летово го купија од Остенде, а инаку соиграч на Антиќ во Олимпијакос.
За враќањето на Перо Антиќ во Црвена Звезда на Твитер се огласи и фудбалската легенда на клубот, Драган Ѓаиќ со свое тврдење.
samo da se zna da sam pre @MiskoRaznatovic objavio vest !!
— Драган Џајић (@dr_Dzajic) September 11, 2017
jos ce ispasti da imam jace informacije od njega 😂.#kkcz https://t.co/tIx6pkYr8F
dobrodosao kuci @antic12pero !⚪️🔴⚪️🔴@kkcrvenazvezda #kkcz pic.twitter.com/RgoE5mGFuq
— Драган Џајић (@dr_Dzajic) September 11, 2017
Славниот 35 годишен центар има зад себе 8 сезони во Евролигата и 3 трофеи, еден со Фенербахче и два со Олимпијакос, а во најквалитетното европско кошаркарско натпреварување дебитираше со АЕК Атина во 2001-ва година.
На 144 натпревари во Евролигата има просек од 5,5 поени и 3,2 скока по натпревар, а минатата сезона оствари учинок од 4,2 поени и 2,4 скока по натпревар.
На 19 јануари следната година Антиќ ќе гостува во Јане Сандански во меч од АБА лигата меѓу МЗТ Скопје и Црвена Звезда.
