На стартот на НБА сезоната, во НБА ништо ново. После блескавото издание на МВП-то од минатосезонското финале Никола Јокиќ, синоќа блесна и Лука Дончиќ.
Лидерот на Далас Маверикс во победата на неговиот тим над Сан Антонио Спарс 126:119 стана само трет кошаркар во историјата на НБА лигата кој на отворање на сезона имал трипл-дабл учинок со најмалку 30 постигнати поени.
Покрај Лука тоа го направиле само уште Оскар Робертсон во 1961-ва и 1966-та и Јанис Адетокумбо во 2019-та.
На 26 секунди пред крајот Лука Дончиќ постигна фантастична тројка и ги скрши сите надежи на Спарси дека можат до некаков пресврт:
Luka Doncic said GOOD NIGHT to Victor Wembanyama's Spurs 😴pic.twitter.com/Ga75QBRx57
— BasketNews (@BasketNews_com) October 26, 2023
Покрај Лука Дончиќ, најефикасни кај Далас беа уште и Кајри Ирвинг со 22 поени, по 17 уфрлија Грент Вилијамс и Тим Хардавеј а 16 поени со 10 скока имаше Дерек Лајвли.
Во составот на Сан Антонио Спарс најдобри беа Девин Васел со 23 поени, Келдон Џонсон со 17 поени, 9 скока и 7 асистенции и Тре Џонс со 16 постигнати поени.
*****************************************************
