По паузата од еден натпревар заради повреда, Антиќ се врати и тоа во голем стил. Тој го забележа својот трет дабл-дабл учинок во НБА кариерата со 13 поени и 12 скокови.
Поефикасни од Антиќ беа Џеф Тиг со 19 и Пол Милсеп со 17 поени, но нивниот учинок не беше доволен и Атланта загуби на гостувањето кај Вашингтон Визардс со 101:97.
Ова е шестти пораз во серија за Атланта и вкупно 41-ви по 72 одиграни натпревари. Тие се на осмата позиција во источната конференција, а зад нив е Њујорк со скор 30-43.
Во вторник наутро во 1:30 по наше време, Атланта на домашен терен ќе ја пречека екипата на Филаделфија.
Резултати:
Вашингтон - Атланта 101:97
Далас - Сакраменто 103:100
Хјустон - ЛА Клиперс 107:118
Сан Антонио - Њу Орлеанс 96:80
Милвоки - Мајами 67:88
Филаделфија - Детроит 123:98
