„Има 35 години, нема 18 да прави вакво нешто, го чека суспензија сигурно“, прокоментира Чарлс Баркли во студиото после мечот:
altercation between pat bev and pacers fans behind the bench pic.twitter.com/dfQpqSBv33
— Rob Perez (@WorldWideWob) May 3, 2024
ИНДИЈАНА ВО ПРВО ПОЛУФИНАЛЕ ПОСЛЕ 10 ГОДИНИ
Индијана Пејсерс се пласираше во полуфинале на Истокот каде ќе се сретнат со Њујорк Никс кој ја елиминираше Филаделфија со идентични 4-2.
До голема победа Индијана ја водеа Оби Топин со 21 поен и осум скока, Ти Џеј Меконел со 20 поени, 9 асистенции и четири украдени топки и Паскал Сијакам со 19 поени, седум скока и четири асистенции. Голем удел во триумфот на Пејсерс имаа и Тајрис Халибартон со 17 поени и 10 асистенции и Арон Најсмит со 14 поени.
Ова е прво полуфинале во доигрување за Индијана на Истокот уште од 2014-та година.
Кај поразените Милвоки Бакс најефикасни беа Дамјан Лилард со 28 поени, Боби Портис со 20 поени и 15 скока, Брук Лопез со 20 поени и Крис Мидлтон со 14 поени и осум скока. Јанис Андетокумбо лидерот на овој тим отсуствуваше поради повреда на мускулниот лист.
Првиот меч меѓу Индијана и Њујорк Никс во полуфинале на Истокот ќе се игра ноќта меѓу понеделник и вторник.
