Вејн Руни влезе во игра во 67-ма минута и по две минути му асистираше на Ибрахимовиќ за 1:0. Тоа е единственото од Манчестер Јунајтед во дуелот против анонимниот украински тим. Зенит и Рома покажаа како се игра дома во Лига Европа.

Во второто коло од второто по ранг клупско европско натпреварување повторно на тапет е тимот на Франк Де Бур кој се соочи со втор пораз. Образот кај италијанските екипи го обели Фиорентина со петарда во голот на Карабах за кој Муарем Муарем одигра половина час. ПАОК е единствен со триумф на гости.

Има 36 години, надвор е од опкружувањето со Меси, Иниеста и компанија и кариерата ја привршува во Катар. Но тоа не е причина да не успее нешто со топка. Во моментов е во Јордан каде ќе спроведе неколку тренинзи за деца - бегалци. Требаше да покаже дека може да жонглира до 100 ( му успеа за 41 секунда), три пати да ја погоди пречката без да промаши и да даде гол не од корнер, туку зад корнер.

Во вторникот беше тешко да се реши човек кој од трите бомби на Јувентус, Монако и Копенхаген е најубав за око. Но од спортската среда ќе го издвоиме оној од нашата лига од мечот Вардар - Пелистер 1:1. Фелипе и Којашевиќ најверојатно ова го вежбале на тренинг.

Новинарите на Телеграф ни го откриваат и второто славно фудбалско име за кое имаат докази дека е дел од корупциски скандал. Синоќа тоа беше селекторот на Англија, а сега поранешна ѕвезда на Челси. Браво дечки.

Не, не е Северна Кореа. Најдобриот Јужно-корејски фудбалер во моментов, Сон Хјунг Мин доби понуда од Тотенхем за нов договор, но за да го потпише ќе мора да го реши повикот од Јужна Кореа да служи војска, во спротивно би имал проблем во татковината. 

Селекторот на македонската фудбалска репрезентација го објави списокот за престојните два меча кои не очекуваат во Скопје на почетокот на следниот месец. Тројца фудбалери прават кам бек во составот.

Завчера на Франческо Тоти роденден му честитаа од Папата и Лионел Меси, до претседателите на Кина и Куба. Утрово капитенот на Рома му честиташе роденден на човекот без кого италијанскиот фудбал сигурно немаше да биде ист низ историјата. Ил Президенте наполни 80 години.

Инѕаги помладиот беше далеку од тоа што беше Пипо или искрено беше дрво во напад. Денешниот датум ни извади еден ретро хајлајтс од пред точно 17 години од шампионскиот Лацио. Противник во ЛШ им е Марибор кој го ташлаат 4:0. Инѕаги успеа да се сопне сам од себе со топка на метро од гол и да влезе со неа внатре, а на 0:0 место да ја забие во мрежа, од 5-6 метри ја искрши пречката.

Ако некој знае да ги си сопре Реал, Барселона и Баерн, трите најсилни и најмоќни клубови во светот изминативе години, тоа е бандата на Симеоне. Него џабе ќе му правиш посед на топка. Кога ќе ти пушти 11 души на терен ќе те изедат како кучиња, па макар промашиле и пенал како вчера.

И покрај тоа што промаши пенал и пропушти неколку шанси за гол, Атлетико Мадрид успеа да го победи Баерн Минхен на Карло Анчелоти. ПСЖ и Барса славеа после пресврти, а Сити првпат сезонава не победи.

На 29. септември во продажба излегува книгата „Жозе Мурињо, одблизу и лично“, напишана од спортскиот новинар Роберт Бејли кој открива што сè му раскажал Португалецот за неговата кариера.

Во истекот на првиот месец од стартот на дел од првенствата ширум Европа, Холанѓаните направија компилација од најдобрите голови за септември. Има што да се види, како на пример тоа лобот на 1:40 кој не го бранат тројца голмани.

Кога тики-така моделот ќе влезе во фазон на совршенство, никој не сака да и биде противник на терен, па дури ниту играчите на Сер Алекс Фергусон кои полуделе од нервоза во едно неодамнешно финале против Барса.

Дортмунд и Реал пружија добар меч, видовме 4 гола, а можевме уште толку ако едните и другите ги реализираа шансите. Реал имаше 2-3 опасни контри, а една во која се најде Роналдо беше офсајд ситуација. Португалецот протестираше и на полувремето отиде кај главниот камерман крај теренот.

Фино е да види човек како е да се биде гостин во куќата на Златан каде плаќа 20.000 евра кирија, ама уште пофино е да не ти закаже партија еден на еден во двор.

Пред две недели англискиот шампион ја оствари „прво па машко“ победата, а синоќа освои нови три бода против Порто во дебитантскиот настап во ЛШ. На Лестер навикнавме во Премиер, но не и во Европа. Како беше околу и на стадионот?

Ако треба да бараме листа на најверни играчи кои целата кариера решија да ја посветат во еден ист дрес еве ја. Сите овие играчи се легенди и симболи во клубовите каде настапуваа минимум две децении. Само Тоти од нив е активен и немаше пари кои можеа да ги купат.

Да заработуваш 3 милиони фунти годишно (да, за 12 месеци) плус бонуси и да си алчен за дополнителни 400.000 фунти мито и корупција значи дека веќе никогаш нема да имаш прилика да бидеш тренер на голем клуб. 

Дебитираше под водство на Вујадин Бошков во 1993-та на 16 години, а потоа со Карло Мацоне стана стартер. Првите две сезони не успеа да постигне гол, но од 1994/1995 до 2016/2017 нема утка. Некако најмногу му лежи Интер.

Кога играше за Реал Мадрид имаше камера која 90 минути го следеше само него. Сега добро е што го следат да видиме што прави и на тренинзите. Зинедин Зидан уште го има она своето со топка и на 44 години.

Четири победи на домаќините, две на гостинските екипи и две ремија во првата ноќ од второто коло во ЛШ. Лестер ита сигурно во дебитантската сезона на меѓународна сцена, Јувентус и Копенхаген беа најубедливи, а одбраната на Реал попушти на три минути до крајот за конечни 2:2, кои Борусија ги заслужи. Имаше 12 удари во рамки на гол наспрема 5 на Кралевите.

Помладиот син на Зинедин Зидан, Лука, попладнево реши да го дрибла противничкиот напаѓач на мечот од Лигата на шампионите У19 меѓу Дортмунд и Реал Мадрид и се посрамоти. За негова среќа другарите веќе дадоа три гола, па не беше толку страшно.

Да фати човек да гугла малку подлабоко кој знае какво ретро ќе излезе на тема како изгледале денешниве тренери како фудбалери. Но доволно е ова, има материјал за сеир.